சிஎஸ்கேவுக்கு எதிராக விளையாடுகிறார் ஸ்டீவ் ஸ்மித்

இங்கிலாந்துக்கு எதிரான மூன்று ஒருநாள் ஆட்டங்களிலும் நான் விளையாடவில்லை. துபையில்...
சிஎஸ்கேவுக்கு எதிராக விளையாடுகிறார் ஸ்டீவ் ஸ்மித்

ஐபிஎல் கிரிக்கெட் போட்டியின் முதல் லீக் ஆட்டத்தில் சென்னை சூப்பா் கிங்ஸ் அணி, 5 விக்கெட்டுகள் வித்தியாசத்தில் மும்பை இந்தியன்ஸ் அணியை வென்றது.

ராஜஸ்தான் ராயல்ஸ் அணியுடன் நாளை மோதுகிறது சிஎஸ்கே. ராஜஸ்தான் அணி கேப்டன் ஸ்மித், இங்கிலாந்தில் பயிற்சியின்போது ஹெல்மெட்டில் பந்து பட்டதன் காரணமாக இங்கிலாந்துக்கு எதிரான மூன்று ஒருநாள் ஆட்டங்களிலும் விளையாடவில்லை. இதனால் சென்னைக்கு எதிரான ஆட்டத்தில் அவர் விளையாடுவாரா என்கிற கேள்வி எழுந்தது.

இந்நிலையில் சிஎஸ்கேவுக்கு எதிராகத் தான் விளையாடவுள்ளதாக ஸ்மித் கூறியுள்ளார். அவர் மேலும் கூறியதாவது:

இங்கிலாந்துக்கு எதிரான மூன்று ஒருநாள் ஆட்டங்களிலும் நான் விளையாடவில்லை. துபையில் கடந்த சில நாள்களாக நல்ல ஓய்வு கிடைத்தது. நேற்று ஓட்டப்பயிற்சி எடுத்தேன். இன்று வலைப்பயிற்சியில் ஈடுபட்டேன். நாளை விளையாடுவேன் என்கிற நம்பிக்கை உள்ளது. எங்கள் அணி வீரர்கள் கடந்த ஒரு மாதமாக நல்லவிதமாகப் பயிற்சி எடுத்துள்ளார்கள். எங்கள் அணி இப்போது மிகவும் வலுவாக உள்ளது. சென்னை, மும்பை அணிகள் விளையாடியதைப் பார்த்தேன். சிஎஸ்கே மிக நன்றாக விளையாடினார்கள். அவர்களுக்கு எதிராக நாங்கள் நன்கு விளையாடி வெற்றி பெறுவோம் என்றார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com