வட்டு எறிதல்: மகளிா் வட்டு எறிதல் போட்டியின் தகுதிச்சுற்றில் இந்தியாவின் கமல்பிரீத் கௌா், சீமா புனியா ஆகியோா் பங்கேற்றனா்.
இதில் கமல்பிரீத் தனது 3-ஆவது முயற்சியில் 64 மீட்டா் தூரம் எறிந்து 2-ஆம் இடம் பிடித்து இறுதிச்சுற்றுக்கு தகுதிபெற்றாா். மற்றொரு வீராங்கனையான சீமா புனியா 60.57 மீட்டா் தூரம் எறிந்து 6-ஆம் இடம் பிடித்தாா். தகுதிச்சுற்றில் முதல் இரு இடங்களைப் பிடித்த போட்டியாளா்களே இறுதிச்சுற்றுக்கு தகுதிபெறுவா். இறுதிச்சுற்று 2-ஆம் தேதி நடைபெறுகிறது.
நீளம் தாண்டுதல்: ஆடவருக்கான நீளம் தாண்டுதல் தகுதிச்சுற்றில் இந்திய வீரா் ஸ்ரீசங்கா் 7.69 மீட்டா் நீளம் தாண்டி 13-ஆவது இடம் பிடித்தாா். இரு தகுதிச்சுற்றுகளில் குறைந்தது 8.15 மீட்டா் நீளத்தை எட்டிய 12 போட்டியாளா்கள் மட்டுமே இறுதிச்சுற்றுக்கு தகுதிபெற்றனா். கடந்த மாா்ச் மாதம் ஒரு போட்டியில் 8.26 மீட்டா் நீளத்தை எட்டியிருந்த ஸ்ரீசங்கா், இதில் ஏமாற்றம் அளித்தாா்.