கோல்ஃப் விளையாட்டில் மகளிர் தனிநபர் ஸ்ட்ரோக் பிளே பிரிவில் இந்தியாவின் அதிதி அசோக் முதல் சுற்றில் அருமையாக விளையாடி 2-ஆவது இடத்தைப் பிடித்துள்ளார். அவர் 67 புள்ளிகளுடன், உலகின் முதல்நிலை வீராங்கனையான அமெரிக்காவின் நெல்லி கோர்டாவுடன் அந்த இடத்தைப் பகிர்ந்துகொண்டுள்ளார். நடப்பு சாம்பியனான தென் கொரியாவின் இன்பீ பார்க் 69 புள்ளிகளுடன் 7-ஆவது இடத்தை 9 பேருடன் பகிர்ந்துகொண்டுள்ளார்.
மற்றொரு இந்திய வீராங்கனையான தீக்ஷா தாகருக்கு எதிர்பார்த்த வகையில் தொடக்க சுற்று அமையவில்லை. 76 புள்ளிகளுடன் 56-ஆவது இடத்தை அவர் பிடித்துள்ளார்.