பாட்மிண்டன் போட்டியில் ஆடவா் இரட்டையா் பிரிவு குரூப் சுற்றின் கடைசி ஆட்டத்தில் இந்தியாவின் சாத்விக்சாய்ராஜ் ராங்கிரெட்டி/சிரக் ஷெட்டி இணை வெற்றி பெற்றது. எனினும், காலிறுதிச் சுற்றுக்கு தகுதிபெறத் தவறி போட்டியிலிருந்து வெளியேறியது.
இந்த 3-ஆவது ஆட்டத்தில் இங்கிலாந்தின் பென் லேன்/சீன் வென்டி இணையை எதிா்கொண்ட சாத்விக்/சிரக் ஜோடி, 21-17, 21-19 என்ற செட்களில் 44 நிமிஷங்களில் வென்றது. உலகின் 10-ஆம் நிலையில் இருக்கும் இந்திய ஜோடி, 3 ஆட்டங்களில் 2 வெற்றிகளை பதிவு செய்துள்ளது.
இந்திய அணி இடம் பிடித்திருந்த ‘குரூப் ஏ’வில் இருந்த இந்தோனேசியா, சீன தைபே அணிகள் காலிறுதிச்சுற்றுக்கு தகுதிபெற்றன. ஒரு குரூப்பில் முதலிரு இடத்தில் இருக்கும் அணிகளே காலிறுதிக்கு தகுதிபெறும்.