Enable Javscript for better performance
Sachin Tendulkar first cricketer to score ODI double century- Dinamani

சுடச்சுட

    

    பிப்ரவரி 24: மூன்று இரட்டைச் சதங்கள் அடிக்கப்பட்ட நாள்!

    By DIN  |   Published on : 24th February 2021 01:12 PM  |   அ+அ அ-   |    |  

    sachin_LIB_23DEC2012AP01_22-01-2013_20_0_2

     

    கிரிக்கெட் வரலாற்றில் பிப்ரவரி 24 மிக முக்கியமான நாள். இந்த நாளில் மூன்று இரட்டைச் சதங்கள் அடிக்கப்பட்டு மூன்று சாதனைகளும் நிகழ்த்தப்பட்டுள்ளன.

    பிப்ரவரி 24, 2010

    இந்த நாளை கிரிக்கெட் ரசிகர்களால் மறக்க முடியாது.

    ஒருநாள் கிரிக்கெட்டின் முதல் இரட்டைச் சதத்தை அடித்து சாதனை படைத்தார் சச்சின் டெண்டுல்கர்.

    குவாலியரில் தென் ஆப்பிரிக்காவுக்கு எதிராக ஒருநாள் கிரிக்கெட்டின் முதல் இரட்டைச் சதத்தை அடித்தார் சச்சின் டெண்டுல்கர். 147 பந்துகளில் 3 சிக்ஸர்கள், 25 பவுண்டரிகளுடன் இந்தச் சாதனையை அவர் படைத்தார். 50 ஓவர்களில் 3 விக்கெட் இழப்புக்கு 401 ரன்கள் குவித்த இந்திய அணி அந்த ஆட்டத்தை 153 ரன்கள் வித்தியாசத்தில் வென்றது. அதற்கு முன்பு ஜிம்பாப்வேயின் சார்லஸ் கவண்ட்ரியும் பாகிஸ்தானின் சயித் அன்வரும் அடித்த 194 ரன்களே அதிகபட்ச ஒருநாள் ரன்களாக இருந்தன. அந்தச் சாதனையை சச்சின் முறியடித்தார்.

    சச்சினுக்குப் பிறகு 7 இரட்டைச் சதங்கள் ஒருநாள் கிரிக்கெட்டில் அடிக்கப்பட்டுள்ளன (அவற்றில் மூன்றை ரோஹித் சர்மா அடித்துள்ளார்). எனினும் ஒருநாள் கிரிக்கெட்டில் 200 ரன்கள் எடுக்கலாம் என பேட்ஸ்மேன்களின் மனத்தில் விதையைத் தூவியது சச்சின் தான். 

    பிப்ரவரி 24, 2013

    2013-ல் சென்னையில் நடைபெற்ற தென் ஆப்பிரிக்காவுக்கு எதிரான டெஸ்டில் இரட்டைச் சதம் எடுத்தார் தோனி. இதன்மூலம் டெஸ்டில் இரட்டைச் சதம் எடுத்த முதல் இந்திய கேப்டன் என்கிற பெருமையைப் பெற்றார். 265 பந்துகளில் 6 சிக்ஸர்கள், 24 பவுண்டரிகளுடன் 224 ரன்கள் எடுத்தார் தோனி. 

    பிப்ரவரி 24, 2015

    ஆஸ்திரேலியாவில் நடைபெற்ற 2015 ஒருநாள் உலகக் கோப்பைப் போட்டியில் ஜிம்பாப்வேவுக்கு எதிராக இரட்டைச் சதம் எடுத்தார் மேற்கிந்தியத் தீவுகள் அணியின் வீரர் கிறிஸ் கெயில். இதன்மூலம் உலகக் கோப்பைப் போட்டியில் இரட்டைச் சதம் எடுத்த முதல் வீரர் என்கிற பெருமையைப் பெற்றார். 147 பந்துகளில் 16 சிக்ஸர்கள், 10 பவுண்டரிகளுடன் 215 ரன்கள் எடுத்தார் கெயில். 

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp