சுடச்சுட

    
    jadaja

    ஐசிசியின் டெஸ்ட் கிரிக்கெட் தரவரிசைக்கான பட்டியலில் பந்துவீச்சாளர்கள் பிரிவில் இந்திய சுழற்பந்துவீச்சாளர் ரவீந்திர ஜடேஜா முதலிடத்தில் தொடருகிறார். இந்திய கேப்டன் விராட் கோலி, பேட்ஸ்மேன்களுக்கான பட்டியலில் 5-ஆவது இடத்தில் நீடிக்கிறார்.
    டெஸ்ட் கிரிக்கெட் தரவரிசைக்கான புதிய பட்டியலை ஐசிசி செவ்வாய்க்கிழமை வெளியிட்டது. இதன்படி, பேட்ஸ்மேன்களுக்கான பட்டியலில் இந்திய வீரர்களில் முதன்மையாக சேதேஷ்வர் புஜாரா 4-ஆவது இடத்தில் உள்ளார். அணியின் தொடக்க ஆட்டக்காரரான ஷிகர் தவன், 21 இடங்கள் முன்னேற்றம் கண்டு 39-ஆவது இடத்துக்கு வந்துள்ளார்.
    பேட்ஸ்மேன்கள் வரிசையில் ஆஸ்திரேலிய கேப்டன் ஸ்டீவ் ஸ்மித் முதலிடத்திலும், இங்கிலாந்தின் ஜோ ரூட், நியூஸிலாந்தின் கேன் வில்லியம்ஸன் முறையே 2-ஆவது மற்றும் 3-ஆவது இடங்களில் உள்ளனர்.
    பந்துவீச்சாளர்கள் பட்டியலில், இந்திய வீரர் அஸ்வின், இலங்கை கேப்டன் ரங்கனா ஹெராத்தை பின்னுக்குத்தள்ளி 2-ஆவது இடத்துக்கு முன்னேறியுள்ளார். வேகப்பந்துவீச்சாளர் முகமது சமி, ஓரிடம் முன்னேறி 23-ஆவது இடத்துக்கு வந்துள்ளார்.
    ஆல்ரவுண்டர்கள் பட்டியலில், இந்தியர்களான ஜடேஜா மற்றும் அஸ்வின் முறையே 2-ஆவது மற்றும் 3-ஆவது இடங்களைப் பிடித்தனர். வங்கதேசத்தின் ஷாகிப் அல் ஹசன் முதலிடத்தில் தொடர்கிறார்.

     

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai