Enable Javscript for better performance
பிஎஸ்ஜி அணியில் இணைந்தார் நெய்மர்- Dinamani

சுடச்சுட

    
    neimar

    பிரேசிலைச் சேர்ந்த முன்னணி கால்பந்து வீரரான நெய்மர், பார்சிலோ அணியில் இருந்து பாரீஸ் செயின்ட் ஜெர்மைன் (பிஎஸ்ஜி) அணிக்கு மாறியுள்ளார்.
    2021 வரை பார்சிலோனா அணிக்காக விளையாட நெய்மர் ஒப்பந்தம் செய்யப்பட்டிருந்தார். இந்த நிலையில் அவர் திடீரென அணி மாறியிருப்பதால், அதற்கு ஈடாக ரூ.1,680 கோடியை பார்சிலோனா அணிக்கு வழங்கியிருக்கிறது பிரான்ஸைச் சேர்ந்த பிஎஸ்ஜி அணி.
    இதன்மூலம் கால்பந்து வரலாற்றில் அதிக தொகை கொடுத்து வாங்கப்பட்ட வீரர் என்ற பெருமையைப் பெற்றிருக்கிறார் நெய்மர். முன்னதாக மான்செஸ்டர் யுனைடெட் அணி பால் போக்பாவை ரூ.786 கோடிக்கு வாங்கியதே சாதனையாக இருந்தது. அந்த சாதனையை இப்போது நெய்மர் முறியடித்துள்ளார்.
    பிரான்ஸின் நடைபெறும் பிரெஞ்சு 1 லீக் போட்டியில் விளையாடுவதற்காக நெய்மருடன் 5 ஆண்டுகள் ஒப்பந்தம் செய்துள்ளது பிஎஸ்ஜி அணி. இதன்மூலம் அவருக்கு ஆண்டுக்கு ரூ.225 கோடி கிடைக்கும்.
    இது குறித்து 25 வயதான நெய்மர் கூறியதாவது: பிஎஸ்ஜி அணியுடன் இணைந்ததில் பெரு மகிழ்ச்சியடைகிறேன். ஏற்கெனவே 4 சீசன்கள் ஐரோப்பாவில் விளையாடியிருப்பதால், பிரெஞ்சு 1 லீகில் சவால்களை சந்திக்கத் தயார். நான் பணத்துக்காக அணி மாறிவிட்டதாக ரசிகர்கள் நினைப்பது வருத்தமளிக்கிறது என்றார்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai