சுடச்சுட

    

    உலக பாட்மிண்டன்: காலிறுதிக்கு முந்தைய சுற்றில் சிந்து

    By DIN  |   Published on : 23rd August 2017 12:45 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sindu

    உலக பாட்மிண்டன் சாம்பியன்ஷிப் போட்டியில் இந்தியாவின் பி.வி.சிந்து, மகளிர் ஒற்றையர் பிரிவில் காலிறுதிக்கு முந்தைய சுற்றுக்கு முன்னேறினார்.
    ஸ்காட்லாந்தின் கிளாஸ்கோ நகரில் நடைபெற்று வரும் இந்தப் போட்டியில் செவ்வாய்க்கிழமை, தனது 2-ஆவது சுற்றில் தென் கொரியாவின் கிம் ஹியோ மின்னை எதிர்கொண்ட சிந்து, 21-16, 21-14 என்ற செட் கணக்கில் வெற்றி பெற்றார். இருவருக்கும் இடையேயான இந்த ஆட்டம் 49 நிமிடங்கள் நீடித்தது. இதுவரை கிம் ஹியோவை 5 முறை சந்தித்துள்ள சிந்து 4 வெற்றிகளை பெற்றுள்ளார்.
    சிந்து தனது அடுத்த சுற்றில், ரஷியாவின் எவ்ஜினியா கொஸட்ஸ்கயா அல்லது ஹாங்காங்கின் செங் கான் யீயை சந்திக்கவுள்ளார்.
    இதனிடையே, ஆடவர் ஒற்றையர் பிரிவில், போட்டித் தரவரிசையில் 15-ஆவது இடத்தில் இருக்கும் சாய் பிரணீத் தனது முதல் சுற்றில் ஹாங்காங்கின் வெய் நானை எதிர்கொண்டார் . இருவருக்கும் இடையே 48 நிமிடங்கள் விறுவிறுப்பாக நடைபெற்ற இந்த ஆட்டத்தின் முடிவில் சாய் பிரணீத் 21-18, 21-17 என்ற நேர் செட் கணக்கில் வெற்றி பெற்றார்.
    இதையடுத்து அவர் தனது 2-ஆவது சுற்றில், இந்தோனேஷியாவின் அந்தோணி சினிசுகாவை சந்திக்கவுள்ளார்.
    இதேபோல், கலப்பு இரட்டையர் பிரிவில் போட்டித் தரவரிசையில் 15-ஆவது இடத்தில் இருக்கும் இந்தியாவின் பிரணவ் ஜெர்ரி சோப்ரா-சிக்கி ரெட்டி ஜோடி தனது முதல் சுற்றில், இந்தியாவின் பிரஜக்தா சாவந்த்-மலேசியாவின் யோகேந்திரன் கிருஷ்ணன் ஜோடியை 21-12, 21-19 என்ற செட் கணக்கில் வீழ்த்தியது.
    கலப்பு இரட்டையர் பிரிவில் மற்றொரு இந்திய ஜோடியான சுமீத் ரெட்டி-அஸ்வினி பொன்னப்பா ஜோடி, 17-21, 21-18, 5-21 என்ற செட் கணக்கில் சீனாவின் வாங் யிலியு-ஹுவாங் டாங்பிங் ஜோடியிடம் வீழ்ந்தது. அதேபோல், சாத்விக்சாய்ராஜ் ராங்கிரெட்டி-மணீஷா ஜோடி 20-22, 18-21 என்ற செட் கணக்கில் டென்மார்க்கின் மேத்தியாஸ் கிறிஸ்டியான்சென்-சாரா தைகெசன் ஜோடியிடம் வீழ்ந்தது.
    இதனிடையே, மகளிர் ஒற்றையர் பிரிவில் இந்தியாவின் ரிதுபர்னா தாஸை எதிர்கொண்ட, ஃபின்லாந்தின் ஆய்ரிமிக்கெல்லா காயம் காரணமாக விலகியதை அடுத்து, ரிதுபர்னா வென்றதாக அறிவிக்கப்பட்டார்.

     

    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai