Enable Javscript for better performance
தொடக்க டெஸ்ட்: முதல் இன்னிங்ஸில் இந்தியா 172; முன்னேற்றத்தில் இலங்கை- Dinamani

சுடச்சுட

    

    தொடக்க டெஸ்ட்: முதல் இன்னிங்ஸில் இந்தியா 172; முன்னேற்றத்தில் இலங்கை

    By  கொல்கத்தா,  |   Published on : 19th November 2017 12:59 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    cricket

    இலங்கைக்கு எதிரான முதல் டெஸ்ட் கிரிக்கெட் போட்டியில் இந்தியா தனது முதல் இன்னிங்ஸில் 59.3 ஓவர்களில் 172 ரன்களுக்கு ஆட்டமிழந்தது.
     அதையடுத்து தனது முதல் இன்னிங்ûஸ தொடங்கியுள்ள இலங்கை, 3-ஆவது நாள் ஆட்டநேர முடிவில் 45.4 ஓவர்களில் 4 விக்கெட் இழப்புக்கு 165 ரன்கள் எடுத்து முன்னேறி வருகிறது. இந்தியாவின் முதல் இன்னிங்ஸ் ஸ்கோரை எட்ட இன்னும் 7 ரன்களே எடுக்க வேண்டிய நிலையில், அந்த அணியின் வசம் 6 விக்கெட்டுகள் உள்ளன. இலங்கை அணியின் திரிமானி-மேத்யூஸ் கூட்டணி அபாரமாக ஆடியது.
     கொல்கத்தாவின் ஈடன் கார்டன் மைதானத்தில் வியாழக்கிழமை தொடங்கிய ஆட்டம் பெரும்பாலும் மழையால் பாதிக்கப்பட, முதல் நாளில் மொத்தம் 11.5 ஓவர்களை சந்தித்த இந்தியா 3 விக்கெட் இழப்புக்கு 17 ரன்கள் எடுத்தது. கே.எல்.ராகுல், கோலி டக் அவுட் ஆகினர். புஜாரா 8, ரஹானே ரன்கள் இன்றி களத்தில் இருந்தனர்.
     2-ஆவது நாள் ஆட்டமும் மழை காரணமாக உணவு இடைவேளையுடன் முடிவுக்கு வந்தது. அன்றைய தினத்திலும் தடுமாற்றத்துடன் ஆடிய இந்தியா ஆட்டநேர முடிவில் 32.5 ஓவர்களில் 5 விக்கெட் இழப்புக்கு 74 ரன்களே சேர்த்தது. தடுப்பாட்டம் ஆடிய புஜாரா 47, ரித்திமான் சாஹா 6 ரன்களுடன் ஆட்டமிழக்காமல் இருந்தனர்.
     சுருண்டது இந்தியா: இதையடுத்து 3-ஆவது நாளான சனிக்கிழமை நடைபெற்ற ஆட்டத்தில், தனியொருவராக நிலைத்து ஆடி வந்த புஜாரா, அரைசதம் கடந்து சிறிது நேரத்தில் ஆட்டமிழந்தார். 10 பவுண்டரிகளுடன் 52 ரன்கள் எடுத்திருந்த அவரை, 37-ஆவது ஓவரில் போல்டாக்கி வெளியேற்றினார் காமேஜ். தொடர்ந்து களம் கண்ட ஜடேஜா 2 பவுண்டரிகள், 1 சிக்ஸர் விளாசி 22 ரன்களில் நடையைக் கட்டினார். அதே ஓவரிலேயே ரித்திமான் சாஹாவும் 6 பவுண்டரிகளுடன் 29 ரன்களுக்கு வீழ்ந்தார். அடுத்துவந்த புவனேஸ்வர் குமார் 13, முகமது சமி 24 ரன்களில் வெளியேற, இந்தியாவின் ஆட்டம் முடிவுக்கு வந்தது.
     உமேஷ் யாதவ் 6 ரன்களுடன் ஆட்டமிழக்காமல் இருந்தார். இலங்கை தரப்பில் சுரங்கா லக்மல் அதிகபட்சமாக 4 விக்கெட்டுகள் எடுத்தார். காமேஜ், சனகா, பெரேரா ஆகியோர் தலா 2 விக்கெட்டுகள் வீழ்த்தினர்.
     இலங்கை-165/4: இதையடுத்து முதல் இன்னிங்ஸை தொடங்கிய இலங்கையில் தொடக்க வீரர் சமரவிக்ரமா 23, கருணாரத்னே 8 ரன்களுடன் வெளியேறினர்.
     பின்னர் இணைந்த லாஹிரு திரிமானி-மேத்யூஸ் ஜோடி அணியின் ஸ்கோரை உயர்த்தியது. இந்த ஜோடி 3-ஆவது விக்கெட்டுக்கு 99 ரன்கள் சேர்த்தது. 36-ஆவது ஓவரில் இந்த கூட்டணியை பிரித்தார் உமேஷ் யாதவ். 8 பவுண்டரிகளுடன் 51 ரன்கள் எடுத்திருந்த நிலையில் திரிமானி வீழ்ந்தார். அடுத்த இரு ஓவர்களிலேயே மேத்யூஸ் 8 பவுண்டரிகளுடன் 52 ரன்களுக்கு ஆட்டமிழந்தார். மோசமான வானிலை காரணமாக 3-ஆவது நாள் ஆட்டம் முன்கூட்டியே முடிக்கப்பட, இலங்கை 45.4 ஓவர்களில் 4 விக்கெட் இழப்புக்கு 165 ரன்கள் எடுத்துள்ளது. கேப்டன் சண்டிமல் 13, டிக்வெல்லா 14 ரன்களுடன் களத்தில் உள்ளனர். இந்திய தரப்பில் புவனேஸ்வர், உமேஷ் தலா 2 விக்கெட்டுகள் எடுத்துள்ளனர்.

    கடினமான ஆட்டங்களையே எப்போதும் விரும்புகிறேன். ஏனெனில், அந்த சூழ்நிலையில் தான் நமது உண்மையான குணநலன் வெளிப்படும். அப்போது எனக்கு நானே நம்பிக்கை அளிப்பதுடன், அணியை இக்கட்டான நிலையில் இருந்து வெளிக்கொண்டுவர தீவிரமாக முயற்சிக்கிறேன்
     - புஜாரா
    கடந்த சில ஆண்டுகளாக இந்திய அணியின் வேகப்பந்துவீச்சு மிகச்சிறப்பான அளவில் உள்ளது. சமி, புவனேஸ்வர், உமேஷ் ஆகியோரின் பந்துவீச்சை சமாளிக்க, மனதளவிலும் தயாராக வேண்டியிருக்கிறது. அவர்களது பந்துவீச்சின்போது பேட்ஸ்மேன்கள் மனோரீதியாக இளைப்பாற வாய்ப்பே இல்லை
     - மேத்யூஸ்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai