Enable Javscript for better performance
ஐஎஸ்எல்: சென்னையை வீழ்த்தியது கோவா- Dinamani

சுடச்சுட

    
    football

    இந்தியன் சூப்பர் லீக் கால்பந்தாட்டப் போட்டியின் 3-ஆவது ஆட்டத்தில் எஃப்சி கோவா அணி 3-2 என்ற கோல் கணக்கில் சென்னையின் எஃப்சி அணியை வென்றது.
     சென்னை ஜவாஹர்லால் நேரு விளையாட்டு மைதானத்தில் ஞாயிற்றுக்கிழமை மாலை நடைபெற்ற இந்த ஆட்டத்தில் கோவா ஆரம்பத்திலேயே 3 கோல்கள் அடிக்க, இறுதி நேரத்தில் 2 கோல்கள் அடித்தது சென்னை.
     இரு அணிகளுக்கும் இடையே விறு விறுப்பாக நடைபெற்ற இந்த ஆட்டத்தில் தொடக்கம் முதலே கோவா ஆதிக்கம் செலுத்தியது. அதன் பலனாக இந்த சீசனின் முதல் கோல் வாய்ப்பு அந்த அணிக்கு கிடைத்தது.
     ஆட்டத்தின் 25-ஆவது நிமிடத்தில் கோவா வீரர் பிரான்டன் ஃபெர்னான்டஸ் பாஸ் செய்த பந்தை கோல் கம்பத்துக்கு அருகே கடத்திச் சென்றார் ஃபெரான் டெலசியா, சென்னை வீரர் மற்றும் கீப்பரின் தடுப்பையும் தாண்டி அற்புதமாக கோலடித்தார்.
     29-ஆவது நிமிடத்தில் கோவா வீரர் மானுவேல் லான்ஸரோட்டே தனக்கு கிடைத்த கோல் வாய்ப்பை தவறாமல் பயன்படுத்திக் கொண்டார். தொடர்ந்து நடைபெற்ற ஆட்டத்தில் 39-ஆவது நிமிடத்தில் கோவா 3-ஆவது கோல் பதிவு செய்தது. இவ்வாறாக முதல் பாதி ஆட்டநேர முடிவில் கோவா 3-0 என முன்னிலை வகித்தது. பின்னர் நடைபெற்ற 2-ஆவது பாதி ஆட்டத்தில் 70-ஆவது நிமிடத்தில் சென்னை வீரர் இனிகோ ஸபாடெரியா தனது அணிக்கான கோல் கணக்கை தொடங்கினார்.
     தொடர்ந்து 84-ஆவது நிமிடத்தில் சென்னை வீரர் ரஃபேல் அகஸ்டோ கோலடிக்க, கோவாவுக்கு நெருக்கடி ஏற்பட்டது. எனினும், தனது முன்னிலையை தக்க வைக்கும் வகையில் தடுப்பாட்டம் ஆடி, 3-2 என்ற கோல் கணக்கில் வென்றது.
     பெங்களூரு வெற்றி: இதனிடையே, மும்பைக்கு எதிரான ஆட்டத்தில் 2-0 என்ற கோல் கணக்கில் வென்று தனது முதல் வெற்றியை ருசித்தது பெங்களூரு எஃப்சி அணி.
     அடுத்த ஆட்டம்: திங்கள் மற்றும் செவ்வாய்க்கிழமை ஆட்டம் கிடையாது.
     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai