Enable Javscript for better performance
இந்தூர் மகளிர் டென்னிஸ்: நவ. 25-இல் தொடக்கம்- Dinamani

சுடச்சுட

    

    சர்வதேச டென்னிஸ் கூட்டமைப்பு (ஐடிஎஃப்) சார்பில், மத்தியப் பிரதேச மாநிலம், இந்தூரில் வரும் சனிக்கிழமை (நவ.25) மகளிர் டென்னிஸ் போட்டி தொடங்குகிறது.
    ரூ.9.73 லட்சம் பரிசுத் தொகை கொண்ட இந்தூர் ஓபன் 8 தினங்கள் நடைபெறும். இந்தப் போட்டியில் உலகம் முழுவதிலும் இருந்து 100-க்கும் மேற்பட்ட சீனியர் டென்னிஸ் வீராங்கனைகள் பங்கேற்பார்கள் என்று எதிர்பார்க்கப்படுகிறது.
    இதுகுறித்து மத்தியப் பிரதேச டென்னிஸ் சங்கத்தின் செயலர் அனில் துபர், இந்தூரில் செய்தியாளர்களிடம் செவ்வாய்க்கிழமை கூறியதாவது:
    இதுவரை, சீனா, போஸ்னியா, ஹர்செகோவினா, சீன தைபே, உஸ்பெகிஸ்தான், கிர்கிஸ்தான், ரஷியா, ஆஸ்திரேலியா, தாய்லாந்து, ஹாங் காங், கஜகஸ்தான் ஆகிய நாடுகளைச் சேர்ந்த வீராங்கனைகள் போட்டியில் பங்கேற்பதற்கு விண்ணப்பித்துள்ளனர்.
    நமது நாட்டிலிருந்து 30-க்கும் மேற்பட்ட டென்னிஸ் வீராங்கனைகள் இந்தப் போட்டியில் பங்கேற்பார்கள் என்று எதிர்பார்க்கப்படுகிறது. வரும் 25, 26-ஆகிய இரு தினங்களும் தகுதிச்சுற்று நடைபெறும் என்று அனில் துபர் தெரிவித்தார்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai