விஜய் ஹஸாரே தொடரில் களமிறங்குகிறாரா தோனி?

இந்திய அணியின் முன்னாள் கேப்டன் தோனி ஜார்கண்ட் அணிக்காக விஜய் ஹஸாரே தொடரில் விளையாடுவதற்கான வாய்ப்பு இருப்பதாக கருதப்படுகிறது. 
விஜய் ஹஸாரே தொடரில் களமிறங்குகிறாரா தோனி?

இந்திய அணியின் முன்னாள் கேப்டன் தோனி ஜார்கண்ட் அணிக்காக விஜய் ஹஸாரே தொடரில் விளையாடுவதற்கான வாய்ப்பு இருப்பதாக கருதப்படுகிறது. 

இந்திய அணியின் முன்னாள் கேப்டன் மகேந்திர சிங் தோனி, களத்தில் கோலி, ரோஹித் உள்ளிட்ட இளம் வீரர்களுக்கு தனது அனுபவம் மூலம் ஆலோசனை வழங்கி உதவி வருகிறார். கோலி மற்றும் ரோஹித் தங்களது கேப்டன் பொறுப்பில் முக்கியமான சில முடிவுகளை தோனியுடன் ஆலோசனை நடத்திய பிறகே எடுக்கின்றனர். அதனால், தோனி அணியின் மிகவும் முக்கியத்துவம் வாய்ந்த வீரராக திகழ்கிறார். 

இருப்பினும், கடந்த சில போட்டிகளாகவே பேட்டிங்கில் பெரிதளவு சோபிக்க தோனி தவறி வருகிறார். இந்நிலையில், ஆசியக் கோப்பை முடிவடைந்த பிறகு அவர் விஜய் ஹஸாரே தொடருக்கான ஜார்கண்ட் அணி வீரர்களுடன் பயிற்சியில் ஈடுபட்டார். இருப்பினும், அவர் லீக் சுற்று போட்டிகளில் களமிறங்கவில்லை. இதையடுத்து, விஜய் ஹஸாரே தொடரில் ஜார்கண்ட் அணி நாக் அவுட் சுற்றுக்கு முன்னேறிய பிறகு அந்த அணிக்காக தோனி களமிறங்குவார் என்று எதிர்பார்க்கப்படுகிறது. 

நடப்பு ஆண்டில் அவர் இந்திய அணிக்காக 15 ஒருநாள் போட்டிகள் மற்ரும் 7 டி20 போட்டிகளில் மட்டுமே விளையாடியுள்ளார். அதாவது, வெறும் 22 நாள் மட்டுமே அவர் விளையாடியுள்ளார். இதன்மூலம் குறைந்த போட்டிகளில் விளையாடிய பயிற்சியே இருப்பதால் அவர் விஜய் ஹஸாரே தொடரில் விளையாடுவது அவருக்கு உதவியளிக்கும் வகையில் அமைய வாய்ப்புள்ளது. மேலும், இளைஞர்களுக்கும் அது உதவும் அமையும் என்று கணிக்கப்படுகிறது. 

அதனால், ஜார்கண்ட் அணிக்காக தோனி களமிறங்கும் வாய்ப்பு அதிகமாகவே இருப்பதாக கருதப்படுகிறது. விஜய் ஹஸாரே தொடரின் நாக் அவுட் சுற்றில் இந்திய அணியின் துணை கேப்டன் ரோஹித் சர்மா மும்பை அணிக்காக களமிறங்கவுள்ளார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com