துளிகள்...

துளிகள்...

டி20, டி10 உள்ளிட்ட லீக் கிரிக்கெட் போட்டிகளை எதிர்காலத்தில் எவ்வாறு கட்டுப்படுத்துவது என ஐசிசி கலந்தாலோசிக்கவுள்ளது.

இலங்கை-இங்கிலாந்து அணிகள் இடையே பகலிரவாக நடைபெற்ற முதல் ஒருநாள் ஆட்டம் மழை காரணமாக தாமதமானதால் முடிவின்றி கைவிடப்பட்டது. டாஸ் வென்ற இலங்கை பந்துவீச, பேட் செய்த இங்கிலாந்து 15 ஓவர்களில் 2 விக்கெட் இழப்புக்கு 92 ரன்கள் எடுத்திருந்தது.

முன்னாள் தடகள வீரர் உசைன் போல்ட், சிட்னியில் வெள்ளிக்கிழமை நடைபெறவுள்ள மகார்தர் செளத்வெஸ்ட் யுனைடெட் அணிக்கு எதிரான நட்புரீதியிலான கால்பந்தாட்டத்தில் சென்ட்ரல் கோஸ்ட் மெரைனர்ஸ் அணியின் மூலமாக முதல் முறையாக கால்பந்து விளையாட்டில் களமிறங்குகிறார்.

இந்தியாவுக்கு எதிரான டெஸ்ட் தொடர்களை, பிரையன் லாரா உள்ளிட்டோர் இருந்தபோது கூட மேற்கிந்தியத் தீவுகளால் வெல்ல இயலவில்லை என்று அணியின் கேப்டன் ஜேசன் ஹோல்டர் கூறினார்.


இந்தியா-சீனா கால்பந்து அணிகள் மோதும் நட்புரீதியிலான கால்பந்தாட்டம் வரும் சனிக்கிழமை சீனாவில் நடைபெறுகிறது.

ஐஎஸ்எல் புதிய அட்டவணையின்படி, பெங்களூரு அணி வரும் 31-ஆம் தேதி கொல்கத்தாவில் அட்லெடிகோ கொல்கத்தாவை சந்திக்கிறது. பிறகு, டிசம்பர் 13-ஆம் தேதி தனது சொந்த மண்ணில் ஸ்ரீ கண்டீவரா மைதானத்தில் அதே அணியுடன் மோதுகிறது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com