Enable Javscript for better performance
சென்னைக்கு முதல் தோல்வி- Dinamani

உடனுக்கு உடன் செய்திகள்

    சென்னைக்கு முதல் தோல்வி

    By DIN  |   Published On : 04th April 2019 01:11 AM  |   Last Updated : 04th April 2019 01:11 AM  |  அ+அ அ-  |  

    mi


    இந்தியன் பிரீமியர் லீக் (ஐபிஎல்) கிரிக்கெட் போட்டியின் 15-ஆவது ஆட்டத்தில் மும்பை இந்தியன்ஸ் அணி 37 ரன்கள் வித்தியாசத்தில் சென்னை சூப்பர் கிங்ஸ் அணியை வீழ்த்தியது. 
    இரு அணிகளும் இத்துடன் 4 ஆட்டங்களில் விளையாடியுள்ள நிலையில், சென்னைக்கு இது முதல் தோல்வியாகும். மாறாக, மும்பைக்கு இது 2-ஆவது வெற்றி. 
    மகாராஷ்டிர மாநிலம் மும்பையில், புதன்கிழமை இரவு நடைபெற்ற ஆட்டத்தில் முதலில் பேட் செய்த மும்பை 20 ஓவர்களில் 5 விக்கெட் இழப்புக்கு 170 ரன்கள் அடித்தது. 
    அடுத்து ஆடிய சென்னை 20 ஓவர்களில் 8 விக்கெட்டுகளை இழந்து 133 ரன்களே எடுத்தது. முன்னதாக, டாஸ் வென்ற சென்னை பந்துவீச தீர்மானித்தது. பேட் செய்த மும்பையில் டி காக்- ரோஹித் சர்மா கூட்டணி முதலில் களம் கண்டது. 
    இதில் டி காக் 4 ரன்களில் நடையைக் கட்ட, அடுத்து வந்த சூர்யகுமார் யாதவ் நிலைத்து ஆடி அணியின் ஸ்கோரை உயர்த்தினார். 
    மறுமுனையில் ரோஹித் 13 ரன்கள் எடுத்திருந்த நிலையில், ஜடேஜா வீசிய 8-ஆவது ஓவரில் விக்கெட் கீப்பர் தோனியிடம் கேட்ச் கொடுத்து ஆட்டமிழந்தார். அடுத்து வந்த யுவராஜ் சிங் 4 ரன்களில் பெவிலியனுக்கு அனுப்பப்பட்டார். 
    தொடர்ந்து களம் கண்ட கிருணால் பாண்டியா, சூர்யகுமார் யாதவுடன் கூட்டணி அமைக்க, அந்த ஜோடி 4-ஆவது விக்கெட்டுக்கு 112 ரன்கள் சேர்த்தது. அரைசதம் கடந்தார் சூர்யகுமார். மறுமுனையில் அரைசதத்தை நெருங்கிய கிருணால் பாண்டியா, 42 ரன்களுக்கு வீழ்ந்தார். 
    அடுத்த ஓவரிலேயே சூர்யகுமாரும் 8 பவுண்டரிகள், ஒரு சிக்ஸர் உள்பட 59 ரன்களுக்கு ஆட்டமிழந்தார். இவ்வாறாக மும்பை 20 ஓவர்களில் 5 விக்கெட் இழப்புக்கு 170 ரன்கள் எட்டியது. பாண்டியா 25, பொல்லார்டு 17 ரன்களுடன் ஆட்டமிழக்காமல் இருந்தனர். 
    சென்னை தரப்பில் தீபக் சாஹர், மோஹித் சர்மா, இம்ரான் தாஹிர், ரவீந்திர ஜடேஜா, பிராவோ தலா ஒரு விக்கெட் சாய்த்தனர்.
    சென்னை தடுமாற்றம்: இதையடுத்து, 171 ரன்களை இலக்காகக் கொண்டு ஆடத் தொடங்கிய சென்னை ஆரம்பம் முதலே தடுமாறியது. தொடக்க வீரர் வாட்சன் 5 ரன்களுக்கு வெளியேற, உடன் வந்த அம்பட்டி ராயுடு டக் அவுட்டானார். ரெய்னா 16 ரன்கள் அடிக்க, அதிகபட்சமாக கேதார் ஜாதவ் 8 பவுண்டரிகள், ஒரு சிக்ஸர் உள்பட 58 ரன்கள் விளாசினார்.
    கேப்டன் தோனி 12 ரன்களே சேர்க்க, ஜடேஜா 1, பிராவோ 8, சாஹர் 7 என சொற்ப ரன்களில் பேட்டிங் வரிசை சரிந்தது.
    20 ஓவர்கள் முடிவில் 8 விக்கெட் இழப்புக்கு 133 ரன்கள் எடுத்தது சென்னை. ஷர்துல் தாக்குர் 12, மோஹித் சர்மா ரன்கள் இன்றி களத்தில் இருந்தனர். மும்பை தரப்பில் ஹார்திக் பாண்டியா, மலிங்கா தலா 3, பெஹ்ரென்டார்ஃப் 2 விக்கெட்டுகள் சாய்த்தனர்.

    சுருக்கமான ஸ்கோர்
    மும்பை இந்தியன்ஸ்
    20 ஓவர்களில் 
    5 விக்கெட் இழப்புக்கு 170
    சூர்யகுமார்-59, கிருணால்-42, ஹார்திக்-25*, பொல்லார்டு-17*
    பந்துவீச்சு: ஜடேஜா-1/10, 
    சாஹர்-1/21, இம்ரான்-1/25


    சென்னை சூப்பர் கிங்ஸ்
    20 ஓவர்களில் 
    8 விக்கெட் இழப்புக்கு 133
    ஜாதவ்-58, ரெய்னா-16, 
    தோனி-12, ஷர்துல்-12*
    பந்துவீச்சு: ஹார்திக்-3/20, மலிங்கா-3/34, 
    பெஹ்ரென்டார்ஃப்-2


    அதிக ரன்களை எடுத்தவர் டேவிட் வார்னர்(ஹைதராபாத்)


    அதிக விக்கெட் வீழ்த்தியவர் சஹல் (பெங்களூரு)

    இன்றைய ஆட்டம்
    தில்லி-ஹைதராபாத்
    இடம்: ஃபெரோஸ் ஷா கோட்லா, தில்லி.
    நேரம்: இரவு 8.00.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp