26 வயது ரகீம் கார்ன்வெல். உயரம் - 6.6 அடி, எடை - 140 கிலோ.
இவர்தான் இந்திய அணிக்கு எதிரான டெஸ்ட் தொடரில் தேர்வாகியுள்ள மே.இ. தீவுகள் அணியின் புதிய வீரர்.
ஆகஸ்ட் 22 முதல் தொடங்கவுள்ள டெஸ்ட் தொடருக்கான மேற்கிந்தியத் தீவுகள் அணி அறிவிக்கப்பட்டுள்ளது. காயம் காரணமாக அல்ஸாரி ஜோசப் இடம்பெறவில்லை.
கார்ன்வெல், 55 ஒருநாள் ஆட்டங்களில் விளையாடி தனது சுழற்பந்துவீச்சின் மூலம் 260 விக்கெட்டுகளை வீழ்த்தியுள்ளார். இந்தியாவுக்கு எதிரான அதிகாரபூர்வமற்ற டெஸ்ட் தொடரில் இரு அரை சதங்கள் அடித்தார். அவர் மே.இ. தீவுகள் அணியில் இடம்பிடித்தால், சர்வதேச கிரிக்கெட் போட்டியில் விளையாடிய அதிக எடை கொண்ட வீரர் என்கிற பெருமையைப் பெறுவார். உடற்தகுதி காரணமாக அவரை மே.இ. தீவுகள் அணியில் சேர்க்க யோசித்தார்கள். ஆனால் தன்னுடைய தொடர் பங்களிப்பின் மூலம் அணிக்குள் நுழைந்துவிட்டார்.
மே.இ. தீவுகள் அணி
ஜேசன் ஹோல்டர் (கேப்டன்), கிரைக் பிராத்வெயிட், டேரன் பிராவோ, புரூக்ஸ், ஜான் கேம்பல், ராஸ்டன் சேஸ், ரகீம் கார்ன்வெல், ஷேன் டெளரிச் (விக்கெட் கீப்பர்), ஷனான் கேப்ரியல், ஹெட்மையர், ஷாய் ஹோப், கீமோ பால், கெமர் ரோச்.