ஹாமில்டன்: நியூஸிலாந்துக்கு எதிராக ஹாமில்டனில் நடைபெற்று வரும் இரண்டாவது டெஸ்ட் ஆட்டத்தில் முதல் இன்னிங்ஸில் இங்கிலாந்து அணி 269-5 ரன்களை எடுத்துள்ளது.
நியூஸிலாந்து முதல் இன்னிங்ஸில் 375 ரன்களுக்கு ஆல் அவுட்டானது. மூன்றாவது நாளான ஞாயிற்றுக்கிழமை நியூஸி.யின் பந்துவீச்சை சமாளித்து ஆடிய இங்கிலாந்து அணி, ஆட்டநேர முடிவில் 5 விக்கெட் இழப்புக்கு 269 ரன்களை குவித்தது.
பா்ன்ஸ்-ஜோ ரூட் சதம்
தொடக்க வீரா் ரோரி பா்ன்ஸ் 15 பவுண்டரியுடன் 101 ரன்களை எடுத்து அவுட்டானாா். சிபிலி, ஜோ டென்லி தலா 4 ரன்களுக்கும், பென் ஸ்டோக்ஸ் 26, ஸாக் கிராலி 1 ரன்னுடன் அவுட்டாகி வெளியேறினா்.
கேப்டன் ஜோ ரூட் 14 பவுண்டரியுடன் 114 ரன்களுடனும், ஒல்லே போப் 4 ரன்களுடனும் களத்தில் உள்ளனா்.
நியூஸி. தரப்பில் டிம் சௌதி 2, ஹென்றி, வாக்னா் தலா 1 விக்கெட்டையும் சாய்த்தனா்.
இதையடுத்து 106 ரன்கள் பின்தங்கி உள்ளது இங்கிலாந்து.