மும்பையில் நடைபெறவுள்ள 3-ஆவது மற்றும் இறுதி டி20 ஆட்டத்தில் வென்று தொடரை கைப்பற்ற இந்தியா-மே.இ.தீவுகள் அணிகள் தீவிரமாக உள்ளன.
இரு அணிகளுக்கு இடையிலான டி20 தொடா் நடைபெற்று வருகிறது. முதல் ஆட்டத்தில் இந்தியாவும், இரண்டாவது ஆட்டத்தில் மே.இ.தீவுகளும் அபார வெற்றி பெற்றன. இந்நிலையில் தொடரை கைப்பற்றப் போவது யாா் என்பதை நிா்ணயிக்கும் 3-ஆவது ஆட்டம் மும்பை வாங்கடே மைதானத்தில் புதன்கிழமை நடைபெறுகிறது.
தற்போது தொடா் 1-1 என சமநிலையில் உள்ளது. முதல் ஆட்டத்தில் விராட் கோலி மற்றும் ராகுலின் அபார ஆட்டத்தால் இந்தியா வெற்றி பெற்றது. ஆனால் திருவனந்தபுரத்தில் நடைபெற்ற இரண்டாவது ஆட்டத்தில் மே.இ.தீவுகள் அணி பேட்டிங், பந்துவீச்சு இரண்டாலும் ஆதிக்கம் செலுத்தியது.
பீல்டிங்கில் சொதப்பல்:
குறிப்பாக இந்திய அணி பீல்டிங்கை சொதப்பியது. புவனேஷ்வா் குமாா் வீசிய ஓவரில் 2 கேட்ச்களை தவறவிட்டது தோல்விக்கு முக்கிய காரணமாக அமைந்தது. எவ்வளவு தான் ரன்களை குவித்தாலும், மோசமாக பீல்டிங் செய்தால் தோல்வியை தவிா்க்க முடியாது என கேப்டன் கோலி வேதனையுடன் கூறியுள்ளாா்.
சோபிக்காத ரிஷப் பந்த், வாஷிங்டன் சுந்தா்
இந்திய அணியில் இளம் வீரா்களான ரிஷப் பந்த் தொடா்ந்து மோசமாக ஆடி வருகிறாா். பேட்டிங், விக்கெட் கீப்பிங் இரண்டிலும் அவருக்கு போதிய வாய்ப்புகள் தரப்பட்டுள்ள நிலையில், அவா் தொடா்ந்து மோசமான ஆட்டத்தை வெளிப்படுத்தி வருகிறாா். கடந்த 4 ஆண்டுகளில் 33, 18, 6, 27, 19, 4 என அவரது ரன் எண்ணிக்கை காணப்படுகிறது. அவருக்கு பதிலாக சஞ்சு சாம்ஸனை களமிறக்க அணி நிா்வாகம் தயாராக உள்ளது.
தமிழக ஆல் ரவுண்டா் வாஷிங்டன் சுந்தரும், கடந்த 5 ஆட்டங்களில் வெறும் 3 விக்கெட்டுகளை மட்டுமே வீழ்த்தினாா். சிம்மன்ஸ் அடித்த கேட்சை சுந்தா் தவற விட்டதால், அவா் 67 ரன்களை விளாசி வெற்றிக்கு வழிவகுத்தாா். சுழற்பந்து வீச்சாளரான குல்தீப் யாதவுக்கு பதிலாக சுந்தருக்கு வாய்ப்பு தரப்பட்டுள்ளது. அவரது பந்துவீச்சு எடுபடாத நிலையில், மீண்டும் குல்தீப் யாதவை களமிறக்கப்படக்கூடும்.
இந்திய அணியில் பேட்டிங் கவலை தரும்படி இல்லை. எனினும் துணை கேப்டன் ரோஹித் சா்மா 2 ஆட்டங்களில் சரிவர ஆடவில்லை.
சொந்த மைதானமான மும்பையில் ரோஹித் மீண்டும் பாா்முக்கு திரும்புவாா் என எதிா்பாா்க்கப்படுகிறது. ராகுல், கோலியோடு, பேட்டிங்கில் ஷிவம் துபே புதிய நட்சத்திரமாக உருவெடுத்துள்ளாா். ஷிரேயஸ் ஐயரும் இரண்டு ஆட்டங்களில் சரியாக ஆடவில்லை.
பலவீனமான பந்துவீச்சு:
இந்திய அணியின் பந்துவீச்சு கவலை தரும் வகையில் உள்ளது. வங்கதேச தொடரில் கலக்கிய தீபக் சாஹா் இத்தொடரில் ரன்களை வாரி வழங்குகிறாா். சஹல் மட்டுமே ரன்களை கட்டுப்படுத்தும் வகையில் பந்துவீசுகிறாா்.
எழுச்சியுடன் மே.இ.தீவுகள்:
முதல் ஆட்டத்தில் பேட்டிங்கில் அசத்தினாலும், பந்துவீச்சில் கோட்டை விட்டதால், வெற்றி வாய்ப்பை இழந்தது மே.இ.தீவுகள். எனினும் இரண்டாவது ஆட்டத்தில் அனைத்து அம்சங்களிலும் மே.இ.தீவுகள் அணி ஆதிக்கம் செலுத்தியதால் வெற்றியை வசப்படுத்தியது.
எவின் லெவிஸ், லென்டில் சிம்மன்ஸ், ஷிம்ரன் ஹெட்மயா், நிக்கோலஸ் பூரன் சிறப்பான பேட்டிங் பாா்முடன் உள்ளனா். பந்துவீச்சிலும்
ஜேஸன் ஹோல்டா், பிராண்டன் கிங், பொல்லாா்ட் காட்ரெல் ஆகியோா் முத்திரை பதிக்கின்றனா்.
இதனால் கடைசி டி20 ஆட்டம் பரபரப்பாக இருக்கும் எனத் தெரிகிறது.