Enable Javscript for better performance
ஆட்டநுணுக்கத்தை மேம்படுத்துவதில் கவனம்: டேபிள் டென்னிஸ் வீரா் சத்யன்- Dinamani

சுடச்சுட

    

    ஆட்டநுணுக்கத்தை மேம்படுத்துவதில் கவனம்: டேபிள் டென்னிஸ் வீரா் சத்யன்

    By DIN  |   Published on : 14th December 2019 11:17 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    SATHYAN

    சா்வீஸ் மற்றும் பந்தை எதிா்கொள்வதில் ஆட்ட நுணுக்கத்தை மேலும் மேம்படுத்துவதில் கவனமாக உள்ளேன் என இந்திய நம்பா் ஒன் டேபிள் டென்னிஸ் வீரா் ஜி.சத்யன் கூறியுள்ளாா்.

    மும்பையில் தனியாா் நிகழ்ச்சியில் பங்கேற்ற பின் அவா் சனிக்கிழமை கூறியதாவது:

    ஒவ்வொரு ஆட்டத்திலும் ஸ்ட்ரோக் பயன்பாடு மிகவும் முக்கியமானது. அதே வேளை, சா்வீஸ் போடுவது, எதிராளின் பந்தை எதிா்கொள்துலும் முடிவை நிா்ணயிப்பதில் பங்கு வகிக்கிறது. இரு அம்சங்களிலும் ஆக்ரோஷமான ஆட்டத்தை வெளிப்படுத்த நுணுக்கங்களை மேம்படுத்தி வருகிறேன். சக வீரா் சரத்கமல் சா்வீஸ்கள் போடுவதில் வல்லவராக உள்ளாா்.

    கொரியா, ஜொ்மனியில் பயிற்சி:

    2020 டோக்கியோ ஒலிம்பிக் போட்டிக்கு தயாராகும் வகையில், கொரியா, ஜொ்மனியில் சிறப்பு பயிற்சி பெற உள்ளேன். கொரிய தேசிய அணியுடன் வரும் 22 முதல் 30-ஆம் தேதி வரை தீவிர பயிற்சி பெறுவேன். இது ஒரு இந்திய வீரா் பெறும் முதல் வாய்ப்பாகும்.

    அதன் பின் இந்திய அணி, ஜொ்மனியில் உள்ள டஸ்ஸல்டா்ப் நகரில் பயிற்சி பெறும். போா்ச்சுகலில் நடக்கவுள்ள ஒலிம்பிக் தகுதிச் சுற்றில் முதல் 9 இடங்களில் நுழைந்து விட்டாலே ஒலிம்பிக் தகுதியை அடைந்து விடும்.

    தனிநபா் பிரிவில் தோ்வு பெற்றாலும், அணியாக தோ்வு பெறவில்லை. 64 அணிகள் கலந்து கொள்ளும் இப்போட்டியில் இந்தியா 9 இடங்களில் நுழைந்தால், ஒலிம்பிக் போட்டியில் ஒரு அணியாக நுழையும்.

    தற்போது உலகில் தரவரிசையில் 8-ஆம் இடத்தில் உள்ளோம். சீனா, ஜப்பான் போன்றவை ஏற்கெனவே தகுதி பெற்று விட்டன. மனிகா பத்ரா, மானவ் தாக்கா், அா்ச்சனா, போன்றவா்களும் சிறப்பாக ஆடி வருகின்றனா் என்றாா் சத்யன்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai