தென் ஆப்பிரிக்க வேகப்பந்துவீச்சாளர் வெர்னான் பிளாண்டர், இங்கிலாந்துக்கு எதிரான டெஸ்ட் தொடருக்குப் பிறகு சர்வதேச கிரிக்கெட்டிலிருந்து ஓய்வு பெறவுள்ளதாக இன்று அறிவித்துள்ளார்.
இங்கிலாந்துக்கு எதிரான 4 டெஸ்டுகள் கொண்ட டெஸ்ட் தொடர் டிசம்பர் 26-ல் தொடங்கி, ஜனவரி 28 அன்று நிறைவுபெறுகிறது.
தென் ஆப்பிரிக்க அணிக்காக 12 வருடங்களாக விளையாடி வரும் பிளாண்டர், 60 டெஸ்டுகள், 30 ஒருநாள், 7 டி20 ஆட்டங்களில் விளையாடியுள்ளார். டெஸ்டுகளில் 216 விக்கெட்டுகளும் ஒருநாள் கிரிக்கெட்டில் 41 விக்கெட்டுகளும் டி20யில் 4 விக்கெட்டுகளும் எடுத்துள்ளார்.
