சன்ரைசர்ஸ் ஐபிஎல் அணியின் பயிற்சியாளர் ஆனார் டிரெவர் பேலிஸ்!

பேலிஸிடம் கொல்கத்தா, ராஜஸ்தான் அணிகள் பேச்சுவார்த்தை நடத்திய நிலையில்...
சன்ரைசர்ஸ் ஐபிஎல் அணியின் பயிற்சியாளர் ஆனார் டிரெவர் பேலிஸ்!

இது நிச்சயம் திருப்புமுனைதான். 

கொல்கத்தா நைட்ரைடர்ஸ் ஐபிஎல் அணியின் பயிற்சியாளராக டிரெவர் பேலிஸின் பெயர் அடிபட்ட நிலையில் தற்போது, சன்ரைசர்ஸ் ஹைதராபாத் அணியின் பயிற்சியாளராக டிரெவர் பேலிஸ் நியமிக்கப்பட்டுள்ளார். கடந்த  ஏழு வருடங்களாக சன்ரைசர்ஸ் அணியின் பயிற்சியாளராக இருந்த டாம் மூடிக்குப் பதிலாக பேலிஸ் அப்பொறுப்பை ஏற்றுக்கொள்ளவுள்ளார். 

டிரெவர் பேலிஸ், சமீபத்தில் உலகக் கோப்பையை வென்ற இங்கிலாந்து அணியின் பயிற்சியாளராக உள்ளார். ஆஷஸ் தொடருக்குப் பிறகு இங்கிலாந்து அணியின் பயிற்சியாளராக நீடிக்கப் போவதில்லை என்று அவர் அறிவித்துள்ளார். 

2012 முதல் 2014 வரை கெளதம் கம்பீர் தலைமையில் கேகேஆர் அணி இருமுறை ஐபிஎல் போட்டியை வென்றபோது பேலிஸ், அந்த அணியின் தலைமைப் பயிற்சியாளராக இருந்தார். தற்போது பேலிஸிடம் கொல்கத்தா, ராஜஸ்தான் அணிகள் பேச்சுவார்த்தை நடத்திய நிலையில் கடைசியில் சன்ரைசர்ஸ் அணியுடன் அவர் இணைந்துள்ளார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com