சர்வதேச பாட்மிண்டன் தரவரிசையில் முதல் 100 இடங்களுக்குள் இடம் பிடித்து இளம் இந்திய நட்சத்திரங்கள் லக்ஷயா சென், ரியா முகர்ஜி சாதனை படைத்துள்ளனர்.
உலக பாட்மிண்டன்சம்மேளனம் செவ்வாய்க்கிழமை வெளியிட்ட சர்வதேச தரவரிசைப் பட்டியலில் லக்ஷயா சென் 28 இடங்கள் முன்னேறி 76-ஆவது இடத்திலும், மகளிர் பிரிவில் ரியா முகர்ஜி 19 இடங்கள் முன்னேறி 94-ஆவது இடத்தையும் பெற்றுள்ளனர்.
ஒலிம்பிக் சாம்பியன் சென்லோங்கை வென்ற சாய் பிரணீத் 3 இடங்கள் முன்னேறி 19-ஆவது இடத்தில் உள்ளார்.
ஆடவர் பிரிவில் கிடாம்பி ஸ்ரீகாந்த் 7-ஆவது இடத்தில் நீடிக்கிறார். ஜப்பான் வீரர் கென்டோ மொமடோ முதலிடத்தில் உள்ளார். சீனாவின் யுகி இரண்டாவது இடத்தை வகிக்கிறார்.
மகளிர் பிரிவில் இந்திய நட்சத்திரங்கள் பி.வி.சிந்து, சாய்னா ஆகியோர் முறையே 6 மற்றும் 9-ஆவது இடங்களை வகிக்கின்றனர்.
சீன தைபேவின் டை சூ, சீனாவின் சென் யூபெய், ஜப்பானின் நúஸாமி ஒகுஹரா ஆகியோர் முதல் மூன்றிடங்களில் உள்ளனர்.
இரட்டையர் பிரிவில் சத்விக்-சிராக் ஷெட்டி 24-ஆவது இடத்தில் உள்ளனர். மகளிர் பிரிவில் அஸ்வினி-சிக்கி ரெட்டி 23-ஆவது இடத்திலும், கலப்பு பிரிவில் அஸ்வினி-ரங்கிரெட்டி 24-ஆம் இடத்திலும் உள்ளனர்.