யூரோ 2020 கால்பந்து போட்டி தகுதிச் சுற்று ஆட்டங்களில் பெல்ஜியம், நெதர்லாந்து அணிகள் தத்தமது ஆட்டங்களில் வெற்றி பெற்றன.
பிரஸ்ஸல்ஸில் நடைபெற்ற தகுதி ஆட்டம் ஒன்றில் வலுவான பெல்ஜியம் 3-1 என்ற கோல் கணக்கில் ரஷியாவை வீழ்த்தியது. உலகக் கோப்பையில் அரையிறுதிக்கு முன்னேறியது பெல்ஜியம் என்பது குறிப்பிடத்தக்கது. நட்சத்திர வீரர் ஈடன் ஹசார்ட் அற்புதமாக 2 கோல்களை அடித்தார்.
ராட்டர்டாமில் நடைபெற்ற தகுதி ஆட்டத்தில் வலுவான நெதர்லாந்து 4-0 என பெலாரஸை தோல்வியுறச் செய்தது. சைப்ரஸ் 5-0 என சான்மரினோவையும், கஜகஸ்தான் 3-0 என ஸ்காட்லாந்தையும் வீழ்த்தின. உலகக் கோப்பை ரன்னர் அணியான குரோஷியா 2-1 என போராடி அஜர்பைஜானை வீழ்த்தியது.