பிரெஞ்ச் ஓபன்: ஃபெடரர் வெற்றி தொடக்கம்

பிரெஞ்ச் ஓபன்: ஃபெடரர் வெற்றி தொடக்கம்

பிரெஞ்ச் ஓபன் டென்னிஸ் போட்டியில், ஆடவர் பிரிவு முதல் சுற்று ஆட்டத்தில், சுவிட்சர்லாந்தின் ரோஜர் ஃபெடரர், 6-2, 6-4, 6-4 என்ற செட் கணக்கில் இத்தாலி வீரர் லோரென்úஸா சோனேகோவை வீழ்த்தி இரண்டாவது சுற்றுக்க

பிரெஞ்ச் ஓபன் டென்னிஸ் போட்டியில், ஆடவர் பிரிவு முதல் சுற்று ஆட்டத்தில், சுவிட்சர்லாந்தின் ரோஜர் ஃபெடரர், 6-2, 6-4, 6-4 என்ற செட் கணக்கில் இத்தாலி வீரர் லோரென்úஸா சோனேகோவை வீழ்த்தி இரண்டாவது சுற்றுக்குள் அடியெடுத்து வைத்தார்.
முன்னாள் சாம்பியனான 37 வயது ஃபெடரர், 24 வயது சோனேகோவை ஞாயிற்றுக்கிழமை எதிர்கொண்டார்.
முதல் சுற்று ஆட்டத்தை 6-2 என்ற கணக்கில் எளிதில் கைப்பற்றினார். 2ஆவது சுற்று விறுவிறுப்பாக அமைந்தது. அந்த சுற்று ஆட்டத்திலும் ஃபெடரரே ஆதிக்கம் செலுத்தினார். முடிவில் 6-4 என்ற கணக்கில் அந்த செட்டையும் கைப்பற்றினார். மூன்றாவது செட்டையும் 6-4 என்ற கணக்கில் கைப்பற்றி வெற்றி பெற்றார் ஃபெடரர்.
புதன்கிழமை நடைபெறவுள்ள அடுத்த சுற்று ஆட்டத்தில், ஜெர்மனி வீரர் ஆஸ்கர் ஒட்டேவை எதிர்கொள்கிறார் ஃபெடரர்.
ஞாயிற்றுக்கிழமை நடைபெற்ற மற்றொரு ஆட்டத்தில், ஜப்பான் வீரர் நிஷிகோரி, பிரான்ஸ் வீரர் குயின்டின் ஹாலிûஸ 6-2, 6-3, 6-4 என்ற செட் கணக்கில் வீழ்த்தி 2ஆவது சுற்றுக்குத் தகுதி பெற்றார்.
மகளிர் ஒற்றையர் பிரிவு முதல் சுற்று ஆட்டத்தில், ஜெர்மனி வீராங்கனை ஏஞ்சலிக் கெர்பர் 4-6, 2-6 என்ற செட் கணக்கில், ரஷிய வீராங்கனை அனஸ்தாஸியா போடபோவாவிடம் தோல்வியுற்றார்.
மற்றொரு ஆட்டத்தில் ஸ்பெயின் வீராங்கனை முகுருஸா, 5-7, 6-2, 6-2 என்ற செட் கணக்கில், அமெரிக்க வீராங்கனை டெய்லர் டவுன்சென்டை வீழ்த்தினார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com