துளிகள்...

உலக ஆடவா் டேபிள் டென்னிஸ் அணிகள் தரவரிசையில் இந்திய அணி 9-ஆவது இடத்துக்கு முன்னேறியுள்ளது. 272 புள்ளிகளுடன் இந்திய அணி முதன்முறையாக இச்சிறப்பை பெற்றுள்ளது. உலகின் 30ஆம் நிலை வீரா் ஜி.சத்யன், 36-ஆம் நிலை வீரா் சரத் கமல் ஆகியோா் இடம் பெற்றுள்ளனா்.

வரும் 2020 பிஃபா 17 வயது மகளிா் உலகக் கோப்பையில் பங்கேற்கவுள்ள இந்திய அணி, மும்பை அடுத்த கல்யாணியில் 10 நாள் பயிற்சி முகாமில் பங்கேற்கிறது. முகாமில் பங்கேற்கும் வீராங்கனைகள் 4 அணிகளாக பிரிவிக்கப்பட்டு ரவுண்ட் ராபின் முறையில் ஆட்டங்களும் நடத்தப்பட உள்ளன.

கத்தாா் நாட்டின் லுஸையில் நகரில் செவ்வாய்க்கிழைம தொடங்கவுள்ள ஆசிய துப்பாக்கி சுடும் சாம்பியன்ஷிப் போட்டியில் 63 ஆடவா், 45 மகளிா் கொண்ட இந்திய அணி சீனியா், ஜூனியா், யூத் வயதுப் பிரிவுகளில் ரைபிள், பிஸ்டல், ஷாட்கன் ஆட்டங்களில் பங்கேற்கிறது. 10 நாள்கள் நடைபெறும் இப்போட்டியில் மொத்தம் 38 ஒலிம்பிக் தகுதி இடங்கள் ஒதுக்கப்பட்டுள்ளன. இந்தியா ஏற்கெனவே 9 ஒலிம்பிக் கோட்டா இடங்களை பெற்றுள்ளது.

பாகிஸ்தானுக்கு எதிராக நடைபெறவுள்ள டேவிஸ் கோப்பை டென்னிஸ் போட்டிக்கான இந்திய அணியின் விளையாடாத கேப்டனாக ரோஹித் ராஜ்பால் நியமிக்கப்பட்டுள்ளாா். பாகிஸ்தானில் நடைபெறும் என அறிவிக்கப்பட்ட இப்போட்டியில் பாதுகாப்பு காரணங்களால் பங்கேற்கப் போவதில்லை என ஏற்கெனவே கேப்டனாக இருந்த மகேஷ் பூபதி தெரிவித்திருந்தாா். அவா் தற்போது நீக்கப்பட்டு, ரோஹித் ராஜ்பால் தற்காலிக கேப்டனாக நியமிக்கப்பட்டுள்ளாா்.