டி20 ஆட்டங்களில் வெற்றிகரமாக அதிக முறை இலக்கை விரட்டியதில் புதிய சாதனை படைத்துள்ளது இந்திய அணி.
ராஜ்கோட்டில் நடைபெற்ற வங்கதேசத்துக்கு எதிரான இரண்டாவது டி20 ஆட்டத்தில் இந்தியா 8 விக்கெட் வித்தியாசத்தில் அபார வெற்றி பெற்றது. கேப்டன் ரோஹித் சர்மா சிக்ஸர்கள், பவுண்டரிகளாக விளாசி 85 ரன்களை எடுத்தார். முதலில் ஆடிய வங்கதேசம் 153/6 ரன்களை எடுத்தது. பின்னர் ஆடிய இந்திய அணி 154/2 ரன்களை எடுத்து வென்றது.
இது, டி20 ஆட்டத்தில் இலக்கை விரட்டும்போது இந்திய அணி பெற்ற 41-அது வெற்றியாகும். இதன்மூலம் ஆஸ்திரேலிய அணி டி20 ஆட்டத்தில் இலக்கை விரட்டிய போது பெற்ற 40 வெற்றிகளைத் தாண்டியுள்ளது இந்திய அணி.
டி20: இலக்கை விரட்டியபோது அதிக வெற்றிகள்
41 இந்தியா (61 ஆட்டங்கள்)
40 ஆஸ்திரேலியா (69)
36 பாகிஸ்தான் (67)
28 தென் ஆப்பிரிக்கா (48)
28 இங்கிலாந்து (59)