டி20 போட்டி: வெற்றியுடன் தொடங்கிய தினேஷ் கார்த்திக் தலைமையிலான தமிழக அணி!

தமிழக அணியின் நடராஜன், பெரியசாமி ஆகியோர் தலா 3 விக்கெட்டுகளை வீழ்த்தினார்கள். 
டி20 போட்டி: வெற்றியுடன் தொடங்கிய தினேஷ் கார்த்திக் தலைமையிலான தமிழக அணி!

சையத் முஷ்டாக் அலி கோப்பை டி20 போட்டி இன்று முதல் தொடங்கியுள்ளது. முதல் ஆட்டத்தில் தமிழ்நாடு - கேரளா அணிகள் தும்பாவில் மோதின.

டாஸ் வென்ற கேரள அணி, பந்துவீச்சைத் தேர்வு செய்தது. முதலில் விளையாடிய தமிழக அணி, 20 ஓவர்களில் 5 விக்கெட் இழப்புக்கு 174 ரன்கள் எடுத்தது. பாபா அபாரஜித் 35, தினேஷ் கார்த்திக் 33, முகமது 34 ரன்கள் எடுத்து அணிக்கு மிகவும் உதவினார்கள். முகமது 11 பந்துகளில் 3 சிக்ஸர், 3 பவுண்டரிகளுடன் 34 ரன்கள் எடுத்து அசத்தினார். ஷாருக்கான் 18 பந்துகளில் 2 சிக்ஸர், 2 பவுண்டரிகளுடன் 28 ரன்கள் எடுத்தார். கேரள அணியில் பசில் தம்பி 3 விக்கெட்டுகளை வீழ்த்தினார்.

தமிழக அணியின் சிறப்பான பந்துவீச்சால் கேரள அணியால் 20 ஓவர்களில் 8 விக்கெட் இழப்புக்கு 137 ரன்கள் மட்டுமே எடுக்க முடிந்தது. இதனால் தமிழக அணி, 37 ரன்கள் வித்தியாசத்தில் வென்றது. தமிழக அணியின் நடராஜன், பெரியசாமி ஆகியோர் தலா 3 விக்கெட்டுகளை வீழ்த்தினார்கள். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com