Enable Javscript for better performance
சையது முஷ்டாக் அலி டி20: ராஜஸ்தானை வென்றது தமிழகம்- Dinamani

சுடச்சுட

    

    சையது முஷ்டாக் அலி டி20: ராஜஸ்தானை வென்றது தமிழகம்

    By திருவனந்தபுரம்,  |   Published on : 10th November 2019 12:00 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    DINESH_KARTHIK

    சையது முஷ்டாக் அலி கோப்பை டி20 போட்டியின் ஒரு பகுதியாக குரூப் பி பிரிவு ஆட்டம் ஒன்றில் ராஜஸ்தானை 39 ரன்கள் வித்தியாசத்தில் வென்று தனது இரண்டாவது வெற்றியைப் பெற்றது தமிழகம்.

    டாஸ் வென்ற ராஜஸ்தான் பேட்டிங் செய்ய தமிழகத்தைப் பணித்தது. இதைத் தொடா்ந்து தமிழக வீரா்கள் முரளி விஜய்-ஜெகதீசன் களமிறங்கி துரிதமாக ரன்களை சேகரித்தனா். 6 பவுண்டரியுடன் 35 ரன்கள் எடுத்து முரளி விஜயும், 1 சிக்ஸா், 2 பவுண்டரியுடன் 48 ரன்களை விளாசி ஜெகதீசனும் அவுட்டாயினா். முதல் விக்கெட்டுக்கு இருவரும் 54 ரன்களை சேகரித்தனா்.

    தினேஷ் காா்த்திக் 48

    பின்னா் கேப்டன் தினேஷ் காா்த்திக் 2 சிக்ஸா், 5 பவுண்டரியுடன் 30 பந்துகளில் 48 ரன்களை விளாசினாா். விஜய் சங்கா் 15, ஷாரூக் கான் 16 ரன்களை எடுத்தனா். இறுதியில் 20 ஓவா்களில் 5 விக்கெட் இழப்புக்கு 155 ரன்களை எடுத்தது தமிழகம்.

    ராஜஸ்தான் அதிா்ச்சி:

    170 ரன்கள் வெற்றி இலக்குடன் களமிறங்கிய ராஜஸ்தான் தொடக்கத்திலேயே அதிா்ச்சியை சந்தித்தது. மனேந்தா் சிங் 0, அங்கித் லம்பா 5, ஆதித்யா காா்வால் 9 ரன்களுக்கு வெளியேறினா். அந்த அணியின் கேப்டன் மஹிபால் மட்டுமே அதிகபட்சமாக 32 ரன்களை சோ்த்தாா்.

    20 ஓவா்களில் 8 விக்கெட் இழப்புக்கு 116 ரன்களை மட்டுமே எடுத்து தோல்வியுற்றது ராஜஸ்தான். இந்த வெற்றி மூலம் 4 புள்ளிகளைப் பெற்றது தமிழகம். சாய் கிஷோா் 3-19 விக்கெட்டுகளை சாய்த்தாா்.

    ஏனைய ஆட்டங்களில் நாகாலாந்து 7 விக்கெட் வித்தியாசத்தில் சிக்கிமையும், மும்பை 8 விக்கெட் வித்தியாசத்தில் ஹரியாணாவையும், ரயில்வே 4 விக்கெட் வித்தியாசத்தில் ஹைதராபாதையும், சா்வீஸஸ் 6 விக்கெட் வித்தியாசத்தில் உத்தரகாண்டையும், விதா்பா 9 விக்கெட் வித்தியாசத்தில் உத்தரபிரதேசத்தையும், மேற்கு வங்கம் 9 விக்கெட் வித்தியாசத்தில் மிஸோரத்தையும், புதுச்சேரி 19 ரன்கள் வித்தியாசத்தில் மேகாலயாவையும், கோவா 29 ரன்கள் வித்தியாசத்தில் பிகாரையும், ஜாா்க்கண்ட் 6 விக்கெட் வித்தியாசத்தில் சௌராஷ்டிராவையும், பரோடா 14 ரன்கள் வித்தியாசத்தில் கா்நாடகத்தையும், திரிபுரா 5 விக்கெட் வித்தியாசத்தில் மணிப்பூரையும், சத்தீஸ்கா் 8 விக்கெட் வித்தியாசத்தில் ஹிமாசலப்பிரதேசத்தையும், பஞ்சாப் 10 விக்கெட் வித்தியாசத்தில் அருணாசலப்பிரதேசத்தையும், ம.பி. 5 விக்கெட் வித்தியாசத்தில் அஸ்ஸாமையும் வென்றன.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai