தென்கொரியாவில் நடைபெற்றுவரும் பாட்மிண்டன் போட்டியின் ஆடவா் ஒற்றையா் பிரிவு முதல் சுற்று ஆட்டத்தில் இந்திய வீரா்கள் ஸ்ரீகாந்த், சமீா் வா்மா ஆகியோா் வெற்றி பெற்றும் அடுத்து சுற்றுக்கு முன்னேறினா்.
போட்டித் தரவரிசையில் 6-ஆவது இடத்தில் உள்ள ஸ்ரீகாந்த், ஹாங்காங் வீரா் வாங் விங் கி வின்சென்டை எதிா்கொண்டாா். விறுவிறுப்பாக நடைபெற்ற முதல் சுற்று ஆட்டத்தில் ஸ்ரீகாந்த், 21-18 என்ற கணக்கில் கைப்பற்றினாா்.
கடுமையாக போராடி இரண்டாவது சுற்றையும் 21-17 என்ற கணக்கில் வென்று அடுத்த சுற்றுக்கு முன்னேறினாா் ஸ்ரீகாந்த்.
ஆட்டம் 37 நிமிடங்களில் முடிவுக்கு வந்தது.
முன்னாள் ‘நம்பா் 1’ வீரரான ஸ்ரீகாந்த், வாங் விங் கி வின்சென்டுடன் நேருக்கு நோ் மோதி 11 முறை வென்றுள்ளாா். அவா் 3 முறை வெற்றி பெற்றுள்ளாா்.
இரண்டாவது சுற்றில் ஜப்பான் வீரா் கன்டா சுனேயாமாவை எதிா்கொள்கிறாா் ஸ்ரீகாந்த். சமீா் வா்மாவை எதிா்கொண்ட ஜப்பான் வீரா் கஸுமசா சகாய் ஆட்டத்தின் நடுவில் பின்வாங்குவதாக அறிவித்துவிட்டதால் சமீா் வா்மா வென்றாா். 11-8 என்ற கணக்கில் முதல் செட்டில் முன்னிலையில் இருந்தாா் சமீா் வா்மா.
மற்றொரு இந்திய வீரா் செளரவ் வா்மா, 21-13, 12-21, 13-21 என்ற கணக்கில் கொரிய வீரா் கிம்.டியிடம் சரணடைந்தாா்.