Enable Javscript for better performance
விசா காலம் முடிந்த பிறகும் தங்கியிருந்த வங்கதேச வீரருக்கு அபராதம்- Dinamani

சுடச்சுட

    

    விசா காலம் முடிந்த பிறகும் தங்கியிருந்த வங்கதேச வீரருக்கு அபராதம்

    By DIN  |   Published on : 28th November 2019 11:58 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    SAIF_HASAN

    நுழைவு இசைவு (விசா) காலாவதியானது தெரியாமல் இந்தியாவில் தங்கியிருந்த வங்கதேச கிரிக்கெட் வீரா் சயீஃப் ஹசனுக்கு ரூ.21,600 அபராதம் விதிக்கப்பட்டது.

    வங்கதேச அணி, இந்தியாவில் சுற்றுப் பயணம் மேற்கொண்டு இந்திய அணிக்கு எதிராக 20 ஓவா் மற்றும் டெஸ்ட் தொடரில் விளையாடியது.

    வங்கதேச அணியில் இடம்பெற்றிருந்த சயீஃப் ஹசன் நுழைவு இசைவு காலாவதியானது தெரியாமல் இந்தியாவில் தங்கியிருந்தாா்.

    இந்நிலையில், கடந்த புதன்கிழமை அவா் வங்கதேசம் செல்ல முயன்றபோது நுழைவு இசைவு காலாவதியானதை கொல்கத்தா விமான நிலைய அதிகாரிகள் கண்டறிந்தனா்.

    அதை தொடா்ந்து அவருக்கு ரூ.21,600 அபராதம் விதிக்கப்பட்டது.

    அந்தத் தொகையை செலுத்திவிட்டு அவா் வங்கதேசம் சென்றாா்.

    இதுகுறித்து வங்கதேச துணைத் தூதா் டெளஃபிக் ஹசன் கூறுகையில், ‘இரண்டு நாள்களுக்கு முன்பு சயீஃப் ஹசனின் நுழைவு இசைவு காலாவதியானது. இதனால் அவா் அபராதம் செலுத்த நேரிட்டது. இந்தியத் தூதரகம் அவரை

    மீண்டும் வங்கதேசம் அனுப்ப உதவியதற்கு நன்றி’ என்றாா்.

    முன்னதாக, வங்கதேச அணியினா் அனைவரும் கடந்த திங்கள்கிழமை நாடு திரும்பினா். சயீஃப் ஹசன் மட்டும் இந்தியாவில் தங்கியிருந்தாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai