Enable Javscript for better performance
Mary Kom உலக மகளிா் குத்துச்சண்டை சாம்பியன்ஷிப்: அரையிறுதிக்கு முன்னேறி சாதனை படைத்துள்ள மேரி கோம்- Dinamani

சுடச்சுட

    

    உலக மகளிா் குத்துச்சண்டை சாம்பியன்ஷிப்: அரையிறுதிக்கு முன்னேறி சாதனை படைத்துள்ள மேரி கோம்

    By எழில்  |   Published on : 10th October 2019 05:58 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    mary_kom_wc_2019_PTI10_10_2019_000031B

     

    உலக மகளிா் குத்துச்சண்டை சாம்பியன்ஷிப் போட்டியில் இந்தியாவின் 36 வயது மேரி கோம் அரையிறுதிக்குள் நுழைந்து பதக்கத்தை உறுதி செய்துள்ளார். 

    6 முறை உலக சாம்பியனான மேரி கோம் 48 கிலோ பிரிவில் பல்வேறு சாதனைகளை புரிந்து தங்கப் பதக்கங்களை வென்றிருந்தாா். இந்நிலையில் தற்போது அவா் 51 கிலோ எடை பிரிவுக்கு மாறி விட்டாா்.

    இன்று நடைபெற்ற 51 கிலோ எடை பிரிவு காலிறுதிச்சுற்றில் கொலம்பியாவின் வலன்சியா விக்டோரியாவை 5-0 என்கிற புள்ளிக்கணக்கில் வென்று அரையிறுதிக்கு முன்னேறியுள்ளார் மேரி கோம். அரையிறுதியில் துருக்கியைச் சேர்ந்த புசெனாஸை எதிர்கொள்கிறார். 

    ரஷியாவின் உலன் உடேவில் அக். 3-ம் தேதி தொடங்கிய உலக மகளிர் குத்துச்சண்டை சாம்பியன் போட்டியில் 8-வது பட்டத்தை வெல்லும் முனைப்பில் உள்ளார் நட்சத்திர வீராங்கனை மேரி கோம். ஏற்கெனவே 6 முறை உலக சாம்பியன் பட்டமும் ஒரு வெள்ளிப் பதக்கமும் வென்றுள்ள மேரி கோம், ஒலிம்பிக்கில் வெண்கலப் பதக்கமும் வென்றுள்ளார். இறுதியாக கடந்த 2018-இல் புது தில்லியில் நடைபெற்ற உலகப் போட்டியில் தங்கப் பதக்கம் வென்றிருந்தார். அதன்பின் தீவிர பயிற்சியில் ஈடுபடாமல் இருந்த மேரி, தற்போது ரஷியாவில் நடைபெறும் உலகக் போட்டியில் புதிய சாதனை நிகழ்த்தியுள்ளார். இந்தப் போட்டியில் அரையிறுதிக்கு முன்னேறியதன் மூலம் 8-வது முறையாக உலக மகளிா் குத்துச்சண்டை சாம்பியன்ஷிப் போட்டியில் பதக்கம் வெல்லவுள்ளார் மேரி கோம். கியூபாவைச் சேர்ந்த ஃபெலிக்ஸ் சவோன், ஆடவர் குத்துச்சண்டைப் போட்டியில் ஏழு பதக்கங்கள் வென்றதே இதுவரை சாதனையாக இருந்தது. ஆனால் தற்போது 8-வது பதக்கத்தை வெல்வதன் மூலம் உலக மகளிா் குத்துச்சண்டை சாம்பியன்ஷிப் போட்டியில் அதிகப் பதக்கம் வென்ற வீரர் என்கிற சாதனையை நிகழ்த்தியுள்ளார் மேரி கோம். 

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai