Enable Javscript for better performance
மணிக்கட்டு முறிவு: தென்னாப்பிரிக்கவீரா் மாா்க்ரம் விலகல்- Dinamani

சுடச்சுட

    

    மணிக்கட்டு முறிவு: தென்னாப்பிரிக்க வீரா் மாா்க்ரம் விலகல்

    By DIN  |   Published on : 18th October 2019 01:09 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    aiden_markram

    மணிக்கட்டு முறிவு காயம் காரணமாக ராஞ்சி டெஸ்டில் இருந்து விலகினாா் தென்னாப்பிரிக்க தொடக்க வீரா் எய்டன் மாா்க்ரம்.

    உலக டெஸ்ட் சாம்பியன் போட்டியின் ஒரு பகுதியாக இரு அணிகள் இடையே நடந்து வரும் டெஸ்ட் தொடரில் 2 ஆட்டங்களை இந்தியா வென்று 2-0 என தொடரையும் கைப்பற்றியது.

    கடந்த வாரம் புணேயில் நடைபெற்ற 2-ஆவது டெஸ்டில் மாா்க்ரமுக்கு மணிக்கட்டு பகுதியில் முறிவு ஏற்பட்டது. அவுட்டானதால் ஏற்பட்ட வேதனையை மாா்க்ரம் வெளிப்படுத்தியபோது மணிக்கட்டில் காயம் ஏற்பட்டது.

    மணிக்கட்டு எலும்பில் முறிவு ஏற்பட்டது. இதனால் மூன்றாவது டெஸ்டில் அவா் ஆட முடியாது எனத் தெரிவிக்கப்பட்டுள்ளது. இரு டெஸ்ட்களிலும் மாா்க்ரம் பேட்டிங் குறிப்பிடும்படியாக அமையவில்லை. எனது செயல்பாட்டுக்கு நானே பொறுப்பு ஏற்கிறேன். அணியிடம் எனது மன்னிப்பை கோருகிறேன் எனக்கூறியுள்ளாா் மாா்க்ரம்.

    ஏற்கெனவே முதன்மை சுழற்பந்து வீச்சாளா் கேசவ் மகராஜ் காயம் காரணமாக விலகியுள்ளாா். இரு முக்கிய வீரா்கள் விலகியுள்ளது தென்னாப்பிரிக்க அணிக்கு சிக்கலை ஏற்படுத்தி உள்ளது.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai