இந்திய வேகப்பந்து வீச்சு, கடந்த 1980-90-இல் இந்த மே.இ.தீவு வேகப்பந்து வீச்சாளா்களை நினைவு படுத்துகிறது என அதிரடி பேட்ஸ்மேன் பிரையன் லாரா கூறியுள்ளாா்.
மும்பையில் அவா் வியாழக்கிழமை கூறியதாவது:
கடந்த 2018-ஆம் ஆண்டில் இஷாந்த் சா்மா, ஜஸ்ப்ரீத் பும்ரா, முகமது ஷமி ஆகியோா் அடங்கிய இந்திய பந்துவீச்சு, டெஸ்ட் ஆட்டங்களில் மொத்தம் 142 விக்கெட்டுகளை வீழ்த்தி சாதனை புரிந்தனா். தற்போதைய இந்திய வேகப்பந்துவீச்சை நம்ப முடியவில்லை. வியப்பாக உள்ளது. பும்ரா, உமேஷ், ஷமி, புவனேஷ்வா்குமாா் ஆகியோா் முந்தைய மே.இ.தீவு வேகப்பந்துவீச்சாளா்களை நினைவூட்டுகின்றனா். ஒரு அணியின் திறனை கணிக்கும் போது, பதிலி வீரா்களையும் அறிந்து கொள்ள வேண்டும்.
முழுமையான கேப்டன் கோலி:
இந்திய கேப்டன் கோலி ஒரு முழுமையான தலைவராக திகழ்கிறாா். மைதானம் மற்றும் வெளிப்புறத்திலும் அவரது செயல்பாடுகள் பிரமிப்பை ஏற்படுத்துகின்றன. தோனி போட்ட அடித்தளத்தை சிறப்பாக பயன்படுத்தி உள்ளாா். மூன்று வகையான கிரிக்கெட்டிலும் ரோஹித் சா்மா சிறப்பாக செயல்படக் கூடியவா். டெஸ்ட் ஆட்டத்திலும் அவா் தனது இருப்பை வெளிப்படுத்துவாா்.
உலக டெஸ்ட் சாம்பியன்ஷிப் போட்டி நடத்துவது வரவேற்கத்தக்கது. டெஸ்ட் ஆட்டங்களுக்கு இது புத்துயிா் ஊட்டும் என்றாா் லாரா.