ஐசிசி தரவரிசை: மூன்று வடிவிலான கிரிக்கெட்டிலும் முதல் 10 இடங்களில் ரோஹித்ஐசிசி தரவரிசை: மூன்று வடிவிலான கிரிக்கெட்டிலும் முதல் 10 இடங்களில் ரோஹித்

தென்னாப்பிரிக்காவுக்கு எதிரான டெஸ்ட் தொடரில் சிறப்பான ஆட்டத்தை வெளிப்படுத்திய இந்திய வீரர் ரோஹித் சர்மா, டெஸ்ட், ஒருநாள், டி20 கிரிக்கெட் ஐசிசி தரவரிசையில்  முதல் 10 இடங்களில் வந்துள்ளார்.
இதன்மூலம், மூன்று வடிவிலான கிரிக்கெட்டிலும் முதல் 10 இடங்களில் வந்த 3-ஆவது இந்தியர் என்ற சாதனையைப் படைத்தார் ரோஹித். டெஸ்ட் தரவரிசையில் 12 இடங்கள் முன்னேறி 10-ஆவது இடம் பிடித்துள்ளார் ரோஹித்.
937 புள்ளிகளுடன் ஆஸ்திரேலியாவின் ஸ்மித் முதலிடத்திலும், 926 புள்ளிகளுடன் இந்திய கேப்டன் கோலி 2-ஆவது இடத்திலும் நீடிக்கின்றனர். 
இந்திய வீரர்கள் புஜாரா, ரஹானே ஆகியோர் முறையே 4 மற்றும் 5-ஆவது இடத்தில் உள்ளனர். 
டெஸ்ட் பந்துவீச்சாளர்களில் பும்ரா 4-ஆவது இடத்துக்கும், அஸ்வின் 10-ஆவது இடத்துக்கும் தள்ளப்பட்டுள்ளனர்.
டெஸ்ட் ஆல்-ரவுண்டரில் இந்திய வீரர் ஜடேஜா 2ஆவது இடத்தில் நீடிக்கிறார். முதலிடத்தில் மே.இ.தீவுகள் அணியின் ஜேசன் ஹோல்டர் உள்ளார். 
ஒருநாள் தரவரிசையில் கோலி முதலிடத்திலும், ரோஹித் 2-ஆவது இடத்திலும் நீடிக்கின்றனர். 
பந்துவீச்சாளர்களில் பும்ரா முதலிடத்தில் நீடிக்கிறார்.
டி-20 தரவரிசையில் ரோஹித், இங்கிலாந்து வீரர் அலெக்ஸ் ஹேல்ஸுடன் 7-ஆவது இடத்தை பகிர்ந்துகொண்டுள்ளார். லோகேஷ் ராகுல், கோலி அடுத்தடுத்த இடங்களில் உள்ளனர்.