Enable Javscript for better performance
Virat Kohli on MS Dhoni picture தோனி குறித்த அந்த ட்வீட், எனக்கொரு பாடம்: விராட் கோலி ஒப்புதல்!- Dinamani

சுடச்சுட

    

    தோனி குறித்த அந்த ட்வீட், எனக்கொரு பாடம்: விராட் கோலி ஒப்புதல்!

    By எழில்  |   Published on : 14th September 2019 04:32 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    dhoni1

     

    இரு நாள்களுக்கு முன்பு, ஆஸ்திரேலியாவுக்கு எதிரான டி20 ஆட்டமொன்றில் தோனியுடன் எடுத்த புகைப்படத்தை ட்வீட் செய்தார் விராட் கோலி. இந்த ஆட்டத்தை என்னால் மறக்கமுடியாது. விசேஷமான இரவு. இவர் (தோனி), உடற்தகுதிக்கான சோதனை போல என்னை ஓடவைத்தார் என்று ட்வீட் செய்தார் கோலி. 

    இந்த ஒரு ட்வீட், மிகப்பெரிய பரபரப்பை ஏற்படுத்தியது. தோனி ஓய்வு பெறப்போகிறார். அதனால்தான் புகழுரையாக இந்த ட்வீட்டை கோலி வெளியிட்டுள்ளார் என ரசிகர்கள் கருதினார்கள்.

    அந்த ட்வீட் குறித்து விராட் கோலி கூறியுள்ளதாவது: 

    அந்த ட்வீட்டை எந்தக் காரணத்துக்காகவும் வெளியிடவில்லை. வீட்டில் அமர்ந்துகொண்டு ஒரு புகைப்படத்தை வெளியிட்டேன். அது செய்தியாகிவிட்டது. எனக்கு இது ஒரு பாடம் என நினைக்கிறேன். நான் எண்ணுவது போல உலகமும் எண்ணாது என்பதைக் கற்றுக்கொண்டேன். அந்தப் படம், ஓய்வுக்கான புகழுரையாக இருக்கும் எனக் கனவிலும் எண்ணவில்லை. என்னுடைய மற்ற ஆட்டங்கள் போல ஆஸ்திரேலியாவுக்கு எதிரான அந்த டி20 ஆட்டம் குறித்து நான் அதிகம் பேசியதில்லை. அந்த ஆட்டத்தை நான் இன்றும் நினைவில் வைத்துள்ளேன். அதைப் பற்றி பேசியதில்லை என்பதால் புகைப்படத்துடன் பதிவை வெளியிட்டேன். ஆனால் மக்கள் அதை வேறு மாதிரி புரிந்துகொண்டுவிட்டார்கள். அதில் துளியும் உண்மையில்லை என்று கூறியுள்ளார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai