Enable Javscript for better performance
தென்னாப்பிரிக்க-போர்ட் பிரசிடென்ட் லெவன் அணிகள் பயிற்சி ஆட்டம் டிரா- Dinamani

சுடச்சுட

    

    தென்னாப்பிரிக்க-போர்ட் பிரசிடென்ட் லெவன் அணிகள் பயிற்சி ஆட்டம் டிரா

    By DIN  |   Published on : 29th September 2019 12:19 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    spt5

    தென்னாப்பிரிக்க-போர்ட் பிரசிடென்ட் லெவன் அணிகள் இடையிலான பயிற்சி ஆட்டம் டிராவில் முடிவடைந்தது.

    இந்தியாவுடன் டெஸ்ட் தொடரில் மோதுவதற்கு தயாராகும் வகையில் தென்னாப்பிரிக்க அணி, ரோஹித் சர்மா தலைமையிலான போர்ட் பிரசிடென்ட் லெவன் அணியுடன் விஜயநகரத்தில் நடைபெற்ற 3 நாள் பயிற்சி ஆட்டத்தில் மோதியது.

    வியாழக்கிழமை முதல்நாள் ஆட்டம் மழையால் பாதிக்கப்பட்ட நிலையில், வெள்ளிக்கிழமை தென்னாப்பிரிக்க அணி முதல் இன்னிங்ஸில் 64 ஓவர்களில் 6 விக்கெட் இழப்புக்கு 279 ரன்களை எடுத்தது. கேப்டன் எய்டன் மார்க்ரம் 2 சிக்ஸர், 18 பவுண்டரியுடன் 100 ரன்களை விளாசி அவுட்டாகாமல் இருந்தார். டெம்பா பவுமா 87, வெர்னான் பிலாண்டர் 48 ரன்களை சேர்த்தனர். போர்ட் பிரசிடென்ட் லெவன் தரப்பில் தர்மேந்திர சிங் யாதவ் 3-66 விக்கெட்டுகளை சாய்த்தார்.

    பின்னர் ஆடிய போர்ட் பிரசிடென்ட் லெவன் அணி தரப்பில் கேப்டன் ரோஹித் சர்மா டக் அவுட்டானார். மயங்க் அகர்வால் 39, பிரியங்க் பஞ்சால் 60, ஸ்ரீகர் பரத் 71, சித்தேஷ் லேட் 52 ரன்களை எடுத்தனர். இறுதியில் 64 ஓவர்களில் 8 விக்கெட் இழப்புக்கு 265 ரன்களை எடுத்தது போர்ட் அணி.

    தென்னாப்பிரிக்க தரப்பில் கேசவ் மகாராஜ் 3-35, வெர்னா பிலாண்டர் 2-27 விக்கெட்டுகளை வீழ்த்தினர்.

    இறுதியில் ஆட்டம் டிராவில் முடிவடைந்தது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai