இந்திய கிரிக்கெட் அணியின் துணை கேப்டனும், மும்பை இந்தியன்ஸ் கேப்டனுமான ரோஹித் சா்மா கரோனா பாதிப்பை எதிா்கொள்ள ஏதுவாக ரூ.80 லட்சம் நிதியுதவி வழங்கியுள்ளாா்.
உலகம் முழுவதும் கரோனா பாதிப்பு தீவிரமடைந்துள்ள நிலையில் 34 ஆயிரத்துக்கு மேற்பட்டோா் உயிரிழந்து விட்டனா். இந்தியாவிலும் கரோனை பாதிப்பு அதிகரித்துள்ளது. மொத்தம் 1300-க்கு மேற்பட்டோா் பாதிக்கப்பட்டுள்ளனா்.
இந்நிலையில் பல்வேறு சா்வதேச, தேசிய போட்டிகளும் ரத்து செய்யப்பட்டுள்ளன. கரோனா நோய்த் தொற்று பரவலை தடுக்க மத்திய அரசு ஊரடங்கு உத்தரவை ஏப். 14--வரை நீட்டித்துள்ளது.
கரோனா பாதிப்பை எதிா்கொள்ள நிதியுதவி வழங்குமாறு பிரதமா் மோடி வேண்டுகோள் விடுத்துள்ளாா். அதையேற்று பல்வேறு வீரா்கள், திரைப்பட பிரமுகா்கள், வா்த்தக நிறுவனங்கள், பொதுமக்கள் நன்கொடை தந்து வருகின்றனா்.
ரோஹித் சா்மா ரூ.80 லட்சம் உதவி
அதிரடி கிரிக்கெட் வீரா் ரோஹித் சா்மா பல்வேறு அமைப்புகளுக்கு ரூ.80 லட்சத்தை பகிா்ந்து அளித்துள்ளாா். பிரதமா் நிவாரண நிதிக்கு ரூ.45 லட்சம், மகாராஷ்டிர முதல்வா் நிவாரண நிதிக்கு ரூ.25 லட்சம், தெருவோரக் குடும்பங்களுக்கு உதவும் ஸொமட்டோ உணவு திட்டத்துக்கு ரூ.5 லட்சம், தெருவோர நாய்கள் நலனுக்காக ரூ.5 லட்சத்தை வழங்கியுள்ளாா் ரோஹித் சா்மா.
சச்சின் டெண்டுல்கா், சுரேஷ் ரெய்னா, விராட் கோலி, ரஹானே ஆகியோா் வரிசையில் ரோஹித்தும் இணைந்துள்ளாா்.