2021 டி20 உலகக் கோப்பை இந்தியாவில் நடைபெறவுள்ளதாக ஐசிசி அறிவித்துள்ளது.
இந்த வருடம் ஆஸ்திரேலியாவில் நடைபெறவிருந்த டி20 உலகக் கோப்பை அடுத்த வருடத்துக்கு ஒத்திவைக்கப்பட்டுள்ளது. இதனால் செப்டம்பர் - அக்டோபர் மாதங்களில் ஐபிஎல் போட்டி ஐக்கிய அரபு அமீரகத்தில் நடைபெறவுள்ளது.
இந்நிலையில் அடுத்த வருடம் இந்தியாவில் டி20 உலகக் கோப்பை நடைபெறும் என ஐசிசி அறிவித்துள்ளது. இதனால் 2022 டி20 உலகக் கோப்பை ஆஸ்திரேலியாவில் நடைபெறவுள்ளது. 2023-ல் இந்தியாவில் ஒருநாள் உலகக் கோப்பை நடைபெறவுள்ளது.
அடுத்த வருடம் இந்தியாவில் அக்டோபர் - நவம்பர் மாதங்களில் டி20 உலகக் கோப்பை நடைபெறவுள்ளது. இறுதிப்போட்டி நவம்பர் 14 அன்று நடைபெறும். 2022-ல் ஆஸ்திரேலியாவில் அக்டோபர் - நவம்பர் மாதங்களில் டி20 உலகக் கோப்பை நடைபெறவுள்ளது. இறுதிப்போட்டி நவம்பர் 13 அன்று நடைபெறும்.