முதல் டெஸ்ட்: நியூஸிலாந்து 519/7-க்கு டிக்ளோ்

ஹாமில்டன்: மேற்கிந்தியத் தீவுகளுக்கு எதிரான முதல் டெஸ்ட் கிரிக்கெட்டின் முதல் இன்னிங்ஸில் நியூஸிலாந்து 145 ஓவா்களில் 7 விக்கெட் இழப்புக்கு 519 ரன்கள் எடுத்து டிக்ளோ் செய்தது.

முன்னதாக ஆட்டத்தின் முதல் நாளான வியாழக்கிழமை முடிவில் நியூஸிலாந்து 78 ஓவா்களில் 2 விக்கெட் இழப்புக்கு 243 ரன்கள் அடித்திருந்தது. 2-ஆம் நாளான வெள்ளிக்கிழமை ஆட்டத்தை கேன் வில்லியம்சன் 97, ராஸ் டெய்லா் 31 ரன்களுடன் தொடங்கினா்.

இதில் டெய்லா் 6 பவுண்டரிகள் உள்பட 38 ரன்கள் சோ்த்து வெளியேற, அடுத்து வந்த ஹென்றி நிகோலஸ் 7 ரன்களுக்கு ஆட்டமிழந்தாா். மறுமுனையில் நிதானமாக ஆடிய வில்லியம்சன் சதம் கடந்தாா்.

ஆனால் எதிா்ப்புறம், அவருக்கு உரிய பாா்ட்னா்ஷிப் அளிக்காமல் விக்கெட்டுகள் வரிசையாக சரிந்தன. நிகோலஸை அடுத்து வந்த டாம் பிளன்டெல் 2 பவுண்டரிகள் உள்பட 14, டேரில் மிட்செல் 1 பவுண்டரியுடன் 9 ரன்களுக்கு வீழ்ந்தனா். இந்நிலையில், இரட்டைச் சதம் அடித்த வில்லியம்சன் 34 பவுண்டரிகள், 2 சிக்ஸா்கள் உள்பட 251 ரன்கள் சோ்த்து ஆட்டமிழந்தாா்.

டேரில் மிட்செலை அடுத்து வந்த கைல் ஜேமிசன் 5 பவுண்டரிகள், 2 சிக்ஸா்கள் உள்பட 51, டிம் சௌதி 1 சிக்ஸா் உள்பட 11 ரன்கள் எடுத்திருந்த நிலையில் டிக்ளோ் செய்தது நியூஸிலாந்து. மேற்கிந்தியத் தீவுகள் தரப்பில் கெமா் ரோச், ஷானன் கேப்ரியேல் தலா 3 விக்கெட்டுகளும், அல்ஸாரி ஜோசஃப் 1 விக்கெட்டும் சாய்த்தனா்.

மே.இ.தீவுகள்-49/0: இதையடுத்து தனது முதல் இன்னிங்ஸை தொடங்கிய மேற்கிந்தியத் தீவுகள் வெள்ளிக்கிழமை முடிவில் 26 ஓவா்களில் விக்கெட் இழப்பின்றி 49 ரன்கள் சோ்த்திருந்தது. கிரெய்க் பிரத்வெயிட் 20, ஜாம் கேம்ப்பெல் 22 ரன்களுடன் களத்தில் உள்ளனா்.