இந்தியக் கேப்டன் விராட் கோலிக்கு திட்டங்கள் வகுத்துள்ளதாக ஆஸ்திரேலிய கேப்டன் டிம் பெயின் தெரிவித்துள்ளார்.
ஆஸ்திரேலியா, இந்தியா மோதும் முதல் டெஸ்ட் ஆட்டம் பகலிரவு ஆட்டமாக அடிலெய்டில் நாளை (வியாழக்கிழமை) தொடங்குகிறது. இந்த நிலையில், ஆஸ்திரேலிய கேப்டன் டிம் பெயின் இன்று செய்தியாளர்களைச் சந்தித்து பல்வேறு கேள்விகளுக்குப் பதிலளித்தார்.
அப்போது கோலிக்கு திட்டங்கள் வகுத்துள்ளது பற்றி அவர் தெரிவித்தது:
"சிறந்த வீரர்களுக்கு எதிராக அனைவரிடம் சிறந்த திட்டங்கள் உள்ளன. சூழலுக்கு ஏற்ப அவர்களால் செயல்பட முடியும். அதனால்தான் அவர்கள் சிறந்த வீரர்கள். உலகின் சிறந்த வீரர்களில் விராட் கோலியும் ஒருவர். அவருக்கு எதிராக செயல்படக் கூடிய திட்டங்கள் எங்களிடம் உள்ளன. அவை அவருக்கு எதிராக செயல்படும் என எதிர்பார்க்கிறோம். அப்படி செயல்படவில்லையெனில் மாற்றுத் திட்டங்களும் எங்களிடம் உள்ளன."