இந்தியாவுக்கு எதிரான 2-வது டெஸ்ட்: ஆஸி. வீரர் டேவிட் வார்னர் விளையாடுவது சந்தேகம்

காயம் காரணமாக முதல் டெஸ்டில் பங்கேற்காத டேவிட் வார்னர், 2-வது டெஸ்டிலும் பங்கேற்க வாய்ப்பில்லை...
இந்தியாவுக்கு எதிரான 2-வது டெஸ்ட்: ஆஸி. வீரர் டேவிட் வார்னர் விளையாடுவது சந்தேகம்

காயம் காரணமாக முதல் டெஸ்டில் பங்கேற்காத டேவிட் வார்னர், 2-வது டெஸ்டிலும் பங்கேற்க வாய்ப்பில்லை எனத் தகவல்கள் வெளியாகியுள்ளன.

ஆஸ்திரேலியாவுக்குச் சுற்றுப்பயணம் மேற்கொண்டுள்ள இந்திய அணி, ஆஸ்திரேலியாவுடன் டெஸ்ட், ஒருநாள், டி20 தொடா்களில் விளையாடுகிறது.

ஆஸ்திரேலியாவுக்கு எதிரான ஒருநாள் தொடரை 1-2 எனத் தோற்றது இந்திய அணி. எனினும் டி20 தொடரை 2-1 என வென்றுள்ளது.

இந்தியாவுக்கு எதிரான முதல் டெஸ்ட் கிரிக்கெட் போட்டியில் 8 விக்கெட் வித்தியாசத்தில் அபார வெற்றி கண்டது ஆஸ்திரேலியா. இந்தப் போட்டியின் முதல் இன்னிங்ஸில் 53 ரன்கள் முன்னிலை பெற்ற இந்திய அணி, 2-ஆவது இன்னிங்ஸில் 36 ரன்களில் சுருண்டதால், ஆஸ்திரேலியாவின் வெற்றி எளிதானது.

காயம் காரணமாக ஒருநாள், டி20 தொடர்களில் இருந்து விலகியிருந்த வார்னர், முதல் டெஸ்டில் பங்கேற்கவில்லை. சிட்னியில் கரோனா பரவல் அதிகமாக இருப்பதால் 2-வது டெஸ்ட் நடைபெறும் மெல்போர்னுக்கு அவசர அவசரமாக அவர் அழைத்து வரப்பட்டார். எனினும் 2-வது டெஸ்டில் பங்கேற்பதற்கான உடற்தகுதியை அவர் அடையவில்லை என்று கூறப்படுகிறது. இதனால் 2-வது டெஸ்டிலும் வார்னர் பங்கேற்க மாட்டர் எனத் தகவல்கள் வெளியாகியுள்ளன. இதனால் 2-வது டெஸ்டிலும் ஜோ பர்ன்ஸ், மேத்யூ வேட் ஆகிய இருவரும் ஆஸி. அணியின் தொடக்க வீரர்களாகக் களமிறங்கவுள்ளார்கள்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com