Enable Javscript for better performance
Kohli slips to 10th; Rahul, Rohit static in ICC T20I rankings- Dinamani

சுடச்சுட

    

    டி20 தரவரிசையில் கோலிக்கு பின்னடைவு

    By DIN  |   Published on : 17th February 2020 09:55 PM  |   அ+அ அ-   |    |  

    Virat_Kohli


    டி20 கிரிக்கெட்டுக்கான பேட்டிங் தரவரிசையில் இந்தியக் கேப்டன் விராட் கோலி சரிவைச் சந்தித்துள்ளார். 

    தென் ஆப்பிரிக்கா, இங்கிலாந்து அணிகளுக்கிடையிலான டி20 தொடர் நேற்று (ஞாயிற்றுக்கிழமை) நிறைவடைந்ததையடுத்து, டி20 கிரிக்கெட்டுக்கான தரவரிசையை சர்வதேச கிரிக்கெட் கவுன்சில் (ஐசிசி) இன்று (திங்கள்கிழமை) வெளியிட்டது.

    தென் ஆப்பிரிக்காவுடனான டி20 தொடரில் இங்கிலாந்து கேப்டன் இயான் மார்கன் 2 அரைசதங்கள் உட்பட மூன்று ஆட்டங்களில் 136 ரன்கள் குவிக்க பேட்டிங்குக்கான தரவரிசையில் 9-வது இடத்துக்கு (687 புள்ளிகள்) முன்னேறியுள்ளார். இதன் காரணமாக விராட் கோலி 10-வது இடத்துக்கு (673 புள்ளிகள்) சறுக்கியுள்ளார். இந்திய தொடக்க ஆட்டக்காரர் ரோஹித் சர்மா 662 புள்ளிகளுடன் 11-வது இடத்தில் நீடிக்கிறார். கடந்த சில டி20 ஆட்டங்களில் இந்திய அணிக்காக கலக்கி வந்த கேஎல் ராகுல் 2-வது இடத்தில் நீடிக்கிறார்.

    பாகிஸ்தானின் பாபர் அஸாம் தொடர்ந்து முதலிடத்தில் நீடிக்கிறார். 

    பந்துவீச்சுக்கான தரவரிசையில் இந்தியப் பந்துவீச்சாளர் பூம்ரா 12-வது இடத்தில் நீடிக்கிறார். இங்கிலாந்து தொடரில் நன்றாக பந்துவீசிய தப்ரைஸ் ஷம்ஸி 9 இடங்கள் முன்னேற்றம் கண்டு 8-வது இடத்தை அடைந்துள்ளார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai