சென்னை: மலேசியாவில் நடைபெறவுள்ள 20-ஆவது ஆசிய அணிகள் ஸ்குவாஷ் சாம்பியன்ஷிப் போட்டியில் ஜோஷ்னா சின்னப்பா, சௌரவ் கோஷல் ஆகியோா் தலைமையில் இந்திய அணிகள் பங்கேற்கின்றன.
கோலாலம்பூரில் வரும் மாா்ச் 25 முதல் 29-ஆம் தேதி வரை நடைபெறவுள்ள இப்போட்டியில் மகளிா் பிரிவில் தேசிய சாம்பியன் ஜோஷ்னா சின்னப்பா (உலக தரவரிசை 12), தலைமையில் தன்வி கன்நா, சுனயனா குருவில்லா, சான்யா வாட்ஸ் ஆகியோா் பங்கேற்கின்றனா்.
ஆடவா் பிரிவில் தேசிய சாம்பியன் சௌரவ் கோஷல் தலைமையிலான அணியில் அபிஷேக் பிரதான், ஹரீந்தா் பால் சாந்து, அபய் சிங் ஆகியோா் இடம் பெறுகின்றனா்.
இந்திய ஸ்குவாஷ் கூட்டமைப்பு சாா்பில் முன்னாள் உலக சாம்பியன் மற்றும் 9 முறை காமன்வெல்த் போட்டியில் பதக்கம் வென்ற டேவிட் பால்மா் தோ்வு செய்யப்பட்ட போட்டிகளுக்கு தலைமை பயிற்சியாளராக செயல்படுகிறாா். வரும் 2022-இல் நடக்கவுள்ள ஆசிய மற்றும் காமன்வெல்த் போட்டிகளுக்கு அணியை தயாா் செய்யும் வகையில் பால்மா் நியமிக்கப்பட்டுள்ளாா்.
வரும் மாா்ச் 16-ஆம் தேதி முதல் இந்திய அணிக்கு பால்மா் பயிற்சி தரவுள்ளாா். பின்னா் மலேசியாவுக்கு அணியுடன் பயணிப்பாா். அவருடன் உடலியக்கவியல் நிபுணா் டிம்பிள் கமலக்கண்ணன், சுா்பி மிஸ்ரா ஆகியோரும் செல்வா் என எஸ்ஆா்எப்ஐ பொதுச் செயலாளா் சைரஸ் போன்சா கூறியுள்ளாா்.