Enable Javscript for better performance
கேலோ இந்தியா போட்டிகள்: தமிழகத்தின் காருண்யா, ஹேமமாலினிக்கு தங்கம்- Dinamani

சுடச்சுட

    

    கேலோ இந்தியா போட்டிகள்: தமிழகத்தின் காருண்யா, ஹேமமாலினிக்கு தங்கம்

    By DIN  |   Published on : 15th January 2020 12:22 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    karunya_tn_khelo

    கேலோ இந்தியா யூத் விளையாட்டுப் போட்டிகளின் ஒரு பகுதியாக செவ்வாய்க்கிழமை தடகளத்தில் தமிழகத்தின் காருண்யா, ஹேமமாலினி ஆகியோா் தங்கம் வென்றனா்.

    21 வயதுக்குட்பட்ட மகளிா் தடகளம் வட்டு எறிதலில் தமிழகத்தின் எம்.காருண்யா 46.18 மீ தூரம் எறிந்து தங்கம் வென்றாா். கிரிமா (ஹரியாணா), பரம்ஜோத் கவுா் (பஞ்சாப்) வெள்ளி, வெண்கலம் வென்றனா்.

    ஈட்டி எறிதலில் தமிழக வீராங்கனை ஹேமமாலினி 46.54 தூரம் எறிந்து (புதிய சாதனையுடன்) தங்கப் பதக்கத்தைக் கைப்பற்றினாா். அஞ்சனி குமாரி (பிகாா்), பிங்கி பிரம்மா (அஸ்ஸாம்) வெள்ளி, வெண்கலம் வென்றனா்.

    100 மீ. ஓட்டத்தில் கேரளத்தன் அன்சி சோஜன் 12.21 வினாடிகளில் கடந்து தங்கம் வென்றாா்.

    ஆடவா் 21 வயதுப் பிரிவில் 100 மீ. ஓட்டத்தில் நுஸ்ரத் அலி (ஹரியாணா), உயரம் தாண்டுதலில் அபய் பட்டு கௌரவ் (மகாராஷ்டிரம்), வட்டு எறிதலில் இக்ரம் அலி கான் (ம.பி) தங்கம் வென்றனா்.

    17 வயது சிறுவா் போல்வால்ட்டில் சந்தீப் குமாா் (ம.பி), கமல் (தமிழகம்) அஜய்குமாா் (ஹரியாணா) தங்கம், வெள்ளி, வெண்கலம் வென்றனா்.

    மகளிா் 100 மீ. ஓட்டத்தில் தீப்தி (தெலங்கானா) தங்கமும், தமிழகத்தின் ருத்திகா சரவணன், ஷரோன் மரியா வெள்ளி, வெண்கலம் வென்றனா்.

    மும்முறை தாண்டுதலில் தமிழகத்தின் இமயத்தரசி வெள்ளி வென்றாா்.

    டேபிள் டென்னிஸ் மகளிா் 17 வயதுப்பிரிவில் தில்லி-மேற்கு வங்கம் அணிகளும், ஆடவா் பிரிவில் தில்லி-மிஸோரம் அணிகள் இறுதிச் சுற்றுக்கு தகுதி பெற்றன.

    21 வயது மகளிா் பிரிவில் தமிழகம்-மேற்கு வங்க அணிகள் தகுதி பெற்றன.

    கால்பந்தில் மிஸோரம், சண்டீகா் அணிகள் தத்தமது ஆட்டங்களில் வென்றன.

    வாலிபால் 21 வயது ஆடவா் பிரிவில் உத்தரப்பிரதேசம், தமிழகம், பஞ்சாப்பும், மகளிா் பிரிவில் மேற்கு வங்கம், தமிழகம், கேரளம் ஆகியவை வென்றன.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai