Enable Javscript for better performance
throw ball players feliciated in perambalaur ! தமிழக அணி வீரர்களுக்கு பாராட்டு- Dinamani

உடனுக்கு உடன் செய்திகள்

    முகப்பு விளையாட்டு செய்திகள்

    தேசிய அளவிலான எறிபந்து போட்டியில் சிறப்பிடம் பெற்ற தமிழக அணி வீரர்களுக்கு பாராட்டு

    By DIN  |   Published On : 20th January 2020 06:56 PM  |   Last Updated : 20th January 2020 06:56 PM  |  அ+அ அ-  |  

    throw ball feliciated

    எறிபந்து வீரர்களுக்கு பாராட்டு

     

    பெரம்பலூர்: தேசிய அளவிலான எறிபந்து போட்டியில் 3-வது இடம் பெற்ற தமிழக அணி வீரர்களை திங்கள்கிழமை பாராட்டி வாழ்த்து தெரிவித்தார் பெரம்பலூர் மாவட்ட ஆட்சியர் வே. சாந்தா.

    பெரம்பலூர் மாவட்டம், திருமாந்துறை பகுதியில் உள்ள தனியார் பள்ளியில் தேசிய அளவிலான எறிபந்து போட்டியில் 17 வயதுக்குள்பட்ட பிரிவில் பங்கேற்க தமிழக அணி வீரர்களுக்கான தேர்வு அண்மையில் நடைபெற்றது. இத் தேர்வில், திருச்சி மாவட்டத்தைச் சேர்ந்த வி. ஜெயசங்கர், ஜாய்சன் ஜோஸ், திருநெல்வேலி மாவட்டத்தைச் சேர்ந்த ரெனியஸ் ஜான் டைசன், மாதவன், சென்னையைச் சேர்ந்த முகேஷ், ஜோதீஸ்வரன், பெரம்பலூரைச் சேர்ந்த முகமது காதிர் அலி, ஈரோடு மாவட்டத்தைச் சேர்ந்த அனுஷ் அரவிந்த், கோவையைச் சேர்ந்த சிவநேசன், தர்மபுரியைச் சேர்ந்த முத்தமிழ், மதுரையைச் சேர்ந்த சக்திதாசன், கரூரைச் சேர்ந்த தருண் ஆகிய 12 வீரர்கள் தேர்வு செய்யப்பட்டு, பெரம்பலூர் மாவட்டத்தில் உள்ள தனியார் பள்ளியில் சிறப்பு பயிற்சிகள் அளிக்கப்பட்டன.

    இந்நிலையில், கடந்த ஜன. 12 முதல் 16 ஆம் தேதி வரை சத்தீஸ்கர் மாநிலம், துர்க் என்னும் இடத்தில் நடைபெற்ற 17 வயதுக்குள்பட்ட பிரிவினருக்கான தேசிய அளவிலான எறிபந்து போட்டியில், தமிழக அணி சார்பில் பங்கேற்ற வீரர்கள் 3 ஆம் இடம் பெற்று சாதனை படைத்துள்ளனர்.

    இதையடுத்து, வெற்றி பெற்ற வீரர்கள் மற்றும் அணி பயிற்சியாளர் பிரபாகரன் ஆகியோரை, பெரம்பலூர் மாவட்ட ஆட்சியர் வே. சாந்தா பாராட்டி வாழ்த்து தெரிவித்தார். இந்நிகழ்ச்சியின்போது, முதன்மைக் கல்வி அலுவலர் க. மதிவாணன் உள்ளிட்டோர் உடனிருந்தனர்.  


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp