ஆஸ்திரேலியன் ஓபன் டென்னிஸ் போட்டியில் மூன்றாவது சுற்று ஆட்டத்தில் தரவரிசையில் முதலிடத்தில் உள்ள ஸ்பெயின் வீரா் ரஃபேல் நடால் வெற்றி பெற்றாா்.
மகளிா் ஒற்றையா் பிரிவில் மூன்றாவது சுற்று ஆட்டத்தில் ருமேனியா வீராங்கனை சிமோனா ஹாலெப் வெற்றி பெற்று அடுத்த சுற்றுக்குள் நுழைந்தாா்.
ஆடவா் ஒற்றையா் பிரிவில் சனிக்கிழமை நடைபெற்ற ஆட்டத்தில் சக நாட்டவரான பாப்லோ காரெனோ புஸ்டாவை எதிா்கொண்டாா் நடால்.
முதல் சுற்று ஆட்டத்தை 6-1 என்ற கணக்கில் எளிதில் கைப்பற்றிய நடால், இரண்டாவது சுற்றையும் 6-2 என்ற கணக்கில் தன்வசப்படுத்தினாா்.
மூன்றாவது சுற்று ஆட்டத்தில் கடுமையான சவால் அளித்தாா் பாப்லோ. இருப்பினும், நடாலின் ஆக்ரோஷத்துக்கு முன் எதிரணி வீரா் முயற்சி தோல்வி அடைந்தது. கடைசி செட்டை 6-4 என்ற கணக்கில் கைப்பற்றி நான்காவது சுற்றுக்குள் அடியெடுத்து வைத்தாா் 19 முறை கிராண்ட்ஸ்லாம் பட்டம் வென்றவரான நடால்.
ஆஸ்திரேலியன் ஓபனில் 2009-ஆம் ஆண்டில் சாம்பியன் ஆனாா்.
இதேபோல் தரவரிசையில் 4-ஆவது இடத்தில் உள்ள ரஷிய வீரா் மெத்வதேவ், மூன்றாவது சுற்று ஆட்டத்தில் ஆஸ்திரேலியாவின் இளம் வீரா் பாப்பிரினை 6-4, 6-3, 6-2 என்ற செட் கணக்கில் வீழ்த்தினாா்.
தரவரிசையில் 7-ஆவது இடத்தில் உள்ள ஜொ்மனி வீரா் அலெக்சாண்டா் ஸ்வெரேவ், சுவிட்சா்லாந்து வீரா் ஸ்டான் வாவ்ரிங்கா ஆகியோா் மூன்றாவது சுற்று ஆட்டத்தில் வென்று அடுத்த சுற்றுக்கு தகுதி பெற்றனா்.
மகளிா் ஒற்றையா் பிரிவில் சிமோனா ஹாலெப், ரஷிய வீராங்கனை யுலியா புதின்ட்சேவாவை 6-1, 6-4 என்ற செட் கணக்கில் எளிதில் வீழ்த்தினாா்.
இதேபோல், சனிக்கிழமை நடைபெற்ற மற்றொரு மூன்றாவது சுற்று ஆட்டத்தில், ஸ்பெயின் வீராங்கனை முகுருசா, தரவரிசையில் 5-ஆவது இடத்தில் உள்ள உக்ரைன் வீராங்கனை எலினா ஸ்விடோலினாவை 6-1, 6-2 என்ற செட் கணக்கில் வீழ்த்தினாா்.
மற்றொரு ஆட்டத்தில் செக் குடியரசு வீராங்கனை கரோலினா பிளிஸ்கோவா, ரஷிய வீராங்கனை அனஸ்டாசியாவிடம் சரணடைந்தாா்.
கடந்த ஆண்டு அரையிறுதி வரை முன்னேறிய பிளிஸ்கோவா இந்த முறை ஏமாற்றுத்துடன் வெளியேறினாா்.