முதல் டெஸ்டிலிருந்து ஜோ ரூட் விலகல்: இங்கிலாந்து கேப்டன் ஆனார் பென் ஸ்டோக்ஸ்!

முதல் டெஸ்டிலிருந்து ஜோ ரூட் விலகல்: இங்கிலாந்து கேப்டன் ஆனார் பென் ஸ்டோக்ஸ்!

பென் ஸ்டோக்ஸ் கேப்டனாகவும் ஜாஸ் பட்லர் துணை கேப்டனாகவும் செயல்படுவார்கள் என்று...

சமீபகாலமாக இங்கிலாந்து அணிக்காக பேட்டிங், பந்துவீச்சு என இரண்டிலும் அசத்தி வரும் பென் ஸ்டோக்ஸ், மேற்கிந்தியத் தீவுகளுக்கு எதிரான முதல் டெஸ்டுக்கு கேப்டனாக நியமிக்கப்பட்டுள்ளார். 

இங்கிலாந்து - மே.இ. தீவுகள் ஆகிய அணிகளுக்கு இடையிலான மூன்று ஆட்டங்கள் கொண்ட டெஸ்ட் தொடர் ஜூலை 8 முதல் தொடங்குகிறது. முதல் டெஸ்ட் செளதாம்படனில் நடைபெறுகிறது. ஜூலை 28 அன்று டெஸ்ட் தொடர் முடிவடைகிறது. கரோனா அச்சுறுத்தல் காரணமாக மூன்று டெஸ்டுகளும் காலி மைதானத்தில் நடைபெறும் என இங்கிலாந்து கிரிக்கெட் வாரியம் அறிவித்துள்ளது.

ஜோ ரூட்டின் மனைவி கேரி-க்கு விரைவில் 2-வது குழந்தை பிறக்கவுள்ளது. இதனால் பயிற்சி முகாமிலிருந்து விலகவுள்ள ஜோ ரூட், மேற்கிந்தியத் தீவுகளுக்கு எதிரான முதல் டெஸ்டில் பங்கேற்க மாட்டார். மருத்துவமனையிலிருந்து வந்த பிறகு தனது வீட்டில் 7 நாள்களுக்குச் சுயமாகத் தனிமைப்படுத்திகொள்வார். 2-வது டெஸ்ட் தொடங்கும் முன்பு இங்கிலாந்து அணியினருடன் ஜோ ரூட் இணைந்து கொள்வார். இதனால் முதல் டெஸ்டில் பென் ஸ்டோக்ஸ் கேப்டனாகவும் ஜாஸ் பட்லர் துணை கேப்டனாகவும் செயல்படுவார்கள் என்று இங்கிலாந்து கிரிக்கெட் வாரியம் அறிக்கை வெளியிட்டுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com