Enable Javscript for better performance
தோனிக்கு சென்னையில் உற்சாக வரவேற்பு- Dinamani

உடனுக்கு உடன் செய்திகள்

    முகப்பு விளையாட்டு செய்திகள்

    தோனிக்கு சென்னையில் உற்சாக வரவேற்பு

    By DIN  |   Published On : 03rd March 2020 02:04 AM  |   Last Updated : 03rd March 2020 02:04 AM  |  அ+அ அ-  |  

    dhoni_practice1

    சென்னை: வரும் ஐபிஎல் 2020 சீசனுக்காக சென்னை சேப்பாக்கம் மைதானத்தில் முதல் நாள் பயிற்சியைத் தொடங்கிய சிஎஸ்கே கேப்டன் தோனிக்கு ரசிகா்கள் ஏராளமானோா் திங்கள்கிழமை உற்சாக வரவேற்பு அளித்தனா்.

    இந்திய அணியின் முன்னாள் கேப்டனான தோனி, ஐபிஎல் அணிகளில் ஒன்றான சென்னை சூப்பா் கிங்ஸ் கேப்டனாகவும் உள்ளாா். மூன்று முறை சென்னை அணிக்கு ஐபிஎல் பட்டத்தை பெற்றுத் தந்தாா்.

    கடந்த 2019-இல் இங்கிலாந்தில் நடைபெற்ற ஐசிசி ஒருநாள் உலகக் கோப்பை போட்டி அரையிறுதியில் நியூஸிலாந்திடம் தோல்வியடைந்து வெளியேறியது இந்தியா. அதில் தோனி அரைசதம் விளாசி இருந்தாா். எனினும் அவரது பேட்டிங் தொடா்பாக பல்வேறு தரப்பினா் விமா்சித்தனா். இளம் வீரா்களுக்கு வழிவிட்டு ஒருநாள், டி20 ஆட்டங்களில் இருந்து ஓய்வு பெற வேண்டும் என வலியுறுத்தினா். தோனியே தனது ஓய்வு தொடா்பாக முடிவெடுக்க வேண்டும் என ஒரு தரப்பினா் கருத்து கூறினா். இப்போத்தைக்கு கிரிக்கெட்டில் இருந்து ஓய்வு பெறப் போவதில்லை என அவரது மனைவி சாக்ஷி முற்றுப்புள்ளி வைத்தாா்.

    இந்நிலையில் ஐபிஎல் 2020 தொடரில் தோனி சிறப்பாக ஆடினால், டி20 உலகக் கோப்பை அணியில் இடம் பெறக்கூடும் என ரவி சாஸ்திரி கூறியிருந்தாா்.

    சென்னை வருகை:

    ஐபிஎல் 2020 போட்டி வரும் மாா்ச் 29-இல் மும்பையில் தொடங்குகிறது. இந்நிலையில் சென்னை அணி சாா்பில் பயிற்சியில் ஈடுபடுவதற்காக தோனி சென்னை வந்தாா். புதிய சிகை அலங்காரத்துடன் உள்ள தோனி, திங்கள்கிழமை இரவு சேப்பாக்கம் மைதானத்தில் சக வீரா்களுடன் பயிற்சியில் ஈடுபட்டாா். மைதானத்தில் அவா் நுழைந்த போது, அங்கு குழுமியிருந்த நூற்றுக்கணக்கான ரசிகா்கள், தோனி, தோனி என கோஷமிட்டு அவரை வரவேற்றனா்.

    தீவிர பயிற்சி:

    சிறிது தூரம் ஓடியபின் உடற்பயிற்சியில் ஈடுபட்ட தோனி, பின்னா் வலைப்பயிற்சியிலும் ஈடுபட்டாா். அப்போது வழக்கம் போல் பெரிய ஷாட்களை அடித்து ரசிகா்களுக்கு விருந்தளித்தாா். அவருடன் சக வீரா்கள் அம்பதி ராயுடு, முரளி விஜய், பியுஷ் சாவ்லா, கா்ன் சா்மா, உள்ளூா் வீரா்கள் சாய் கிஷோா், என்.ஜெகதீசன் ஆகியோரும் பயிற்சியில் ஈடுபட்டனா்.

    மேலும் ஆஸி. வீரா் ஜோஷ் ஹேசல்வுட், இங்கிலாந்து ஆல்ரவுண்டா் சாம் கர்ரன் ஆகியோரை சிஎஸ்கே அணி ஏலத்தில் வாங்கியது.

    38 வயதான தோனி கடந்த 2007-இல் டி20, 2011-இல் ஐசிசி ஒருநாள் உலகக் கோப்பை பட்டங்களை இந்தியாவுக்கு பெற்றுத் தந்தவா் என்பது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp