சில வருடங்களுக்கு முன்பு, ஆஸ்திரேலியாவுக்கு எதிரான தர்மசாலா டெஸ்டில் குல்தீப் யாதவ் அறிமுகமாகி 5 விக்கெட்டுகளை எடுத்து ஆச்சர்யப்படுத்தினார்.
இதுபற்றி ஒரு பேட்டியில் குல்தீப் யாதவ் கூறியதாவது:
டெஸ்ட்டுக்கு முந்தைய நாள் மதியம், நான் விளையாடுவது குறித்து சொன்னார் கும்ப்ளே சார். அந்த டெஸ்ட் பற்றி எண்ணும்போது நான் உணர்ச்சிவசப்பட்டு விடுவேன். எப்படி விளையாடப் போகிறேன் என எண்ணியிருந்தேன். நாளை விளையாடுவாய், 5 விக்கெட்டுகளை எடுத்துத் தா என்றார் கும்ப்ளே. நான் ஒரு நொடி அமைதி காத்தேன். நிச்சயமாக சார் எனப் பதில் அளித்தேன்.
டெஸ்ட்டில் அறிமுக நாளன்று பதற்றத்தில் இருந்தேன். உணவு இடைவேளைக்கு முன்பு சில ஓவர்கள் வீசி இயல்பாகி விட்டேன். ரஞ்சி கோப்பை ஆட்டத்தில் எப்படி ஆடுவேனோ அதேபோல விளையாட எண்ணினேன்.
ஸ்டம்புகளின் பின்னால் இருந்து தோனி ஏராளமான அறிவுரைகளைக் கூறுவார். இதனால் என்னுடன் பயிற்சியாளர் இல்லை என்கிற குறையே ஏற்படவில்லை எனக் கூறியுள்ளார்.