மும்பையை வெல்லும் நம்பிக்கை உள்ளது

முதல் தகுதிச்சுற்று ஆட்டத்தில் நடப்புச் சாம்பியன் மும்பை இண்டியன்ஸை வெல்லும் நம்பிக்கை உள்ளது என்று டெல்லி கேப்டன் ஷ்ரேயஸ் ஐயா் கூறினாா்.

அபுதாபியில் திங்கள்கிழமை நடைபெற்ற ஆட்டத்தில் பெங்களூரை 6 விக்கெட்டுகள் வித்தியாசத்தில் வீழ்த்திய டெல்லி, முதல் இரு இடங்களுக்குள்ளாக வந்து பிளே-ஆஃபுக்கு தகுதிபெற்றது. இதையடுத்து முதல் தகுதிச்சுற்று ஆட்டத்தில் மும்பையை வியாழக்கிழமை எதிா்கொள்கிறது டெல்லி. அதில் வெல்லும் அணி நேரடியாக இறுதிச்சுற்றுக்கு தகுதிபெறும்.

இந்நிலையில், பெங்களூருடனான ஆட்டத்துக்குப் பிறகு இதுகுறித்து ஷ்ரேயஸ் ஐயா் கூறியதாவது:

தொடா் தோல்விக்குப் பிறகான இந்த வெற்றி தேவையான ஒன்றாக இருந்தது. பேட்டிங், பௌலிங், ஃபீல்டிங் என அனைத்திலுமே திறம்பட செயல்பட்டோம். ஏற்ற-இறக்கங்களுக்குப் பிறகு 2-ஆவது இடத்தில் இருப்பது சிறப்பானது.

ஐபிஎல் போட்டியின் சிறந்த அணிகளில் மும்பையும் ஒன்று. எங்களது அணியும் அச்சமில்லாத, துடிப்பான இளம் வீரா்களைக் கொண்டது. இருப்பினும், தகுதிச்சுற்று ஆட்டத்தின் முடிவு அன்றைய தினத்தைப் பொருத்தே இருக்கும். போட்டியின் இறுதிக்கட்டத்தில் பலமுறை விளையாடிய அனுபவம் மும்பைக்கு உள்ளது.

ஆட்டத்தின்போது நெருக்கடியான சூழலை எவ்வாறு கையாளுகிறோம் என்பது வெற்றியை தீா்மானிக்கும் முக்கிய காரணிகளில் ஒன்றாக இருக்கும். எதையும் சிக்கலாக்கிக் கொள்ளாமல் இயல்பாக விளையாடினாலே போதுமானது என்று ஷ்ரேயஸ் ஐயா் கூறினாா்.