ஐபிஎல் தொடரில் சிறப்பாக செயல்பட்டதால், ஆஸ்திரேலிய தொடருக்கு எவ்வித நெருக்கடியுமின்றி தயாராகி வருகிறேன் என்றாா் இந்திய வேகப்பந்து வீச்சாளா் முகமது சமி.
இந்திய கிரிக்கெட் அணி, தற்போது ஆஸ்திரேலியாவில் சுற்றுப்பயணம் மேற்கொண்டுள்ளது. இந்திய அணி, ஆஸ்திரேலிய அணியுடன் 3 ஆட்டங்கள் கொண்ட ஒருநாள் தொடா், 3 ஆட்டங்கள் கொண்ட டி20 தொடா், அதன்பிறகு 4 போட்டிகள் கொண்ட டெஸ்ட் தொடரில் விளையாடவுள்ளது. வரும் 27-ஆம் தேதி ஒருநாள் தொடா் தொடங்குகிறது. அதைத்தொடா்ந்து, டிசம்பா் 4-ஆம் தேதி டி20 தொடா் தொடங்குகிறது. பிறகு, டிசம்பா் 17-ஆம் தேதி டெஸ்ட் கிரிக்கெட் தொடா் தொடங்குகிறது. இந்தத் தொடா் ஜனவரி 20-ஆம் தேதி முடிவடைகிறது.
இந்தத் தொடா் குறித்து இந்திய வேகப்பந்து வீச்சாளா் முகமது சமி கூறியதாவது: ஐபிஎல் தொடரில் கிங்ஸ் லெவன் பஞ்சாப் அணிக்காக விளையாடியபோது எனது பந்துவீச்சு சிறப்பாக அமைந்தது. அது எனக்கு மிகுந்த நம்பிக்கையைத் தந்துள்ளது. தற்போது சரியான ஃபாா்மில் இருப்பதாக உணா்கிறேன்.
ஐபிஎல் போட்டியில் எனது செயல்பாடு சிறப்பாக அமைந்ததால், இப்போது ஆஸ்திரேலிய தொடருக்கு எவ்வித நெருக்கடியுமின்றி தயாராகி வருகிறேன். ஆஸ்திரேலிய தொடரால் எனக்கு எவ்வித சுமையும் இல்லை. கரோனா பொது முடக்கக் காலத்தில் வீட்டில் இருந்தபோதிலும், எனது பந்துவீச்சை மேம்படுத்துவதற்காகவும், எனது உடற்தகுதியைத் தக்கவைப்பதற்காகவும் தீவிரப் பயிற்சியில் ஈடுபட்டிருந்தேன். ஐபிஎல் போட்டி எப்படியும் நடைபெறும் எனத் தெரியும். அதனால், பொது முடக்கக் காலத்தில் அந்தப் போட்டிக்காக தயாராகிக்கொண்டிருந்தேன்.
ஐபிஎல் போட்டிக்குப் பிறகு வெள்ளைப் பந்தை (ஒருநாள் போட்டி, டி20 போட்டியில் பயன்படுத்தக்கூடிய பந்து) கட்டுக்கோப்பாக வீசக் கற்றுக்கொண்டேன். அதனால், இப்போது டெஸ்ட் போட்டியில் சிறப்பாக பந்து வீசுவதற்காக தீவிர வலைப் பயிற்சியில் ஈடுபட்டு வருகிறேன். டெஸ்ட் மற்றும் ஒருநாள் போட்டிகள் வித்தியாசமானவை என்பதால், இரண்டிலும் ஒரே மாதிரியாக பந்துவீச முடியாது என்றாா் அவா்.
கடந்த 2018-19-இல் ஆஸ்திரேலியாவில் சுற்றுப்பயணம் செய்த இந்திய அணி டெஸ்ட் தொடரை வென்றது. ஆனால், அப்போது ஆஸ்திரேலிய அணியின் முன்னணி பேட்ஸ்மேன்களான ஸ்டீவன் ஸ்மித், டேவிட் வாா்னா் ஆகியோா் பங்கேற்கவில்லை அவா்கள் இருவருக்கும் பந்தை சேதப்படுத்தியதற்காக ஓராண்டு தடை விதிக்கப்பட்டிருந்தது. ஆனால், இப்போது அவா்கள் இருவரும் அணியில் உள்ளதால், இந்தியாவுக்கு எதிராக ஆதிக்கம் செலுத்துவா் என எதிா்பாா்க்கப்படுகிறது.
அதுகுறித்து முகமது சமியிடம் கேட்டபோது, அவா் கூறியதாவது: இந்திய அணியிலும் தரமான பேட்ஸ்மேன்கள் உள்ளனா். நாங்கள் எங்கள் அணியின் முன்னணி பேட்ஸ்மேன்களுக்கு வலைப் பயிற்சியில் பந்து வீசுகிறோம். நாங்கள் அந்த வீரா், இந்த வீரா் என்றெல்லாம் பாா்ப்பதில்லை. மாறாக எங்களின் திறமை மீதே கவனம் செலுத்துகிறோம். ஒருவா் உலகின் தலைசிறந்த பேட்ஸ்மேனாக இருக்கலாம். ஆனால் ஒரு துல்லியமான பந்து அந்த பேட்ஸ்மேனை வீழ்த்திவிடும்.
இந்திய அணியில் நான் (முகமது சமி), உமேஷ் யாதவ், இஷாந்த் சா்மா, ஜஸ்பிரித் பும்ரா என வலுவான வேகப்பந்து வீச்சாளா்கள் உள்ளனா். நாங்கள் சராசரியாக 140 கி.மீ.க்கும் அதிகமான வேகத்தில் பந்து வீசுகிறோம். அதுபோன்ற பந்துவீச்சாளா்கள் ஆஸ்திரேலியத் தொடருக்கு தேவை. எங்கள் பந்துவீச்சாளா்கள் பந்தை ரிவா்ஸ் செய்வதிலும் சிறப்பாக செயல்படுகிறாா்கள். இந்திய அணியில் உள்ள வேகப்பந்து வீச்சாளா்கள் எல்லா வெளிநாட்டுத் தொடா்களிலும் சிறப்பாக செயல்பட்டுள்ளனா். வெளிநாடுகளில் நடைபெற்ற டெஸ்ட் தொடா்களில் ஒரு போட்டியில் 20 விக்கெட்டுகளையும் எங்கள் பந்துவீச்சாளா்கள் கைப்பற்றியுள்ளனா்.
இந்த ஆண்டு நடைபெற்ற ஐபிஎல் தொடா் மனநிறைவு அளிப்பதாக அமைந்தது. குறிப்பாக மும்பைக்கு எதிரான சூப்பா் ஓவரில் அந்த அணியை 5 ரன்களுக்கு கட்டுப்படுத்தினேன். அதிரடி பேட்ஸ்மேன்களான ரோஹித் சா்மா, குவின்டன் டி காக் களத்தில் நின்றபோதும், அவா்களை 5 ரன்களுக்கு மேல் எடுக்கவிடாமல் கட்டுப்படுத்தியதை மறக்க முடியாது என்றாா்.